മൂന്നാംക്ലാസുകാരിയെ കബളിപ്പിച്ച് കമ്മലുമായി കടന്നു. തിരുവനന്തപുരം പൂവച്ചലിലാണ് മൂന്നാംക്ലാസുകാരിയുടെ കമ്മല്‍ അമ്മയുടെ സുഹൃത്തെന്നു തെറ്റിദ്ധരിപ്പിച്ച് ഊരി വാങ്ങിയത്. ദൃശ്യങ്ങള്‍ മനോരമ ന്യൂസിന് ലഭിച്ചു. കാട്ടാക്കട പൊലീസ് അന്വേഷണം തുടങ്ങി
ഇന്നലെയാണ് സംഭവം നടക്കുന്നത്. പൂവച്ചല്‍ യുപിസ്കൂളിലെ മൂന്നാംക്ലാസുകാരി ആമിനയുടെ കമ്മല്‍ പണയം വയക്കാന്‍ വാങ്ങികൊണ്ട് ചെല്ലാന്‍ അമ്മ ആവശ്യപ്പെട്ടെന്ന വ്യാജനയാണ് ഊരിവാങ്ങുകയായിരുന്നു. വൈകുന്നേരം വീട്ടിലെത്തി അമ്മയോടു കുട്ടി വിവരം പറയുകയായിരുന്നു. 45 വയസു തോന്നിക്കുന്ന സ്ത്രീയുടെ ദൃശ്യം സ്കൂളിലെ സിസിടിവിയില്‍ പതിഞ്‍ഞിട്ടുണ്ട്. കുട്ടിയുടെ മാതാപിതാക്കളുടെ പരാതിയില്‍ കാട്ടാക്കട പൊലീസ് അന്വേഷണം ആരംഭിച്ചു. പ്രദേശത്ത് നിരവധി സ്കൂളുകളില്‍ സമാനമായ സംഭവം നടന്നിട്ടുള്ളതായും പൊലീസ് പറയുന്നു.