മുൻ വിവാഹങ്ങൾ മറച്ച് വച്ച് മൂന്നാമതും വിവാഹം കഴിച്ച വിവാഹത്തട്ടിപ്പ് വീരൻ അറസ്റ്റിൽ. മൂന്നാം വിവാഹം പഞ്ചായത്താഫീസിൽ രജിസ്റ്റർ ചെയ്യാനെത്തിയപ്പോഴാണ് നവവരൻ പൊലീസ് പിടിയിലാകുന്നത്. ഏരൂര്‍ സ്വദേശി സുനിലാണ് അറസ്റ്റിലായത്.കൊട്ടാരക്കര സ്വദേശിയെയാണ് ഇയാൾ ആദ്യം വിവാഹം ചെയ്തത്. ഇതിൽ രണ്ട് കുട്ടികളുണ്ട്. ഈ ബന്ധം വേർപെടുത്തി. നാവായിക്കുളം സ്വദേശിയെ ഇയാൾ രണ്ടാമതായി വിവാഹം കഴിച്ചു. .ഇതിൽ ഒരു കുട്ടിയുമുണ്ട്.
മൂന്ന് വർഷത്തോളം കൂടെത്താമസിച്ച ശേഷം യുവതിയെയും കുട്ടിയെയും ഉപേക്ഷിച്ച് പോകുകയായിരുന്നു.ഇവരിൽ നിന്നും പ്രതി സ്വർണവും പണവുമുൾപ്പെടെ അഞ്ച് ലക്ഷത്തോളം രൂപ അപഹരിച്ചതായും പരാതിയുണ്ട്. . ഈ വിവരങ്ങളെല്ലാം മറച്ച് വച്ച ശേഷമാണ് ഏതാനും ദിവസം മുമ്പ് സുനില്‍ ഇളവറാംകുഴി സ്വദേശിയെ മൂന്നാമതായി വിവാഹം ചെയ്തത്. ഏരൂർ ഗ്രാമപഞ്ചായത്താഫീസിലെത്തി രജിസ്റ്റർ ചെയ്യുന്നതിനുള്ള നടപടികൾ നടന്നുവരവേയാണ് ഇയാളെ പൊലീസ് കസ്റ്റഡിയിലെടുത്ത് . വിവാഹം രജിസ്റ്റർ ചെയ്യുന്ന വിവരമറിഞ്ഞ് സ്ഥലത്തെത്തിയ രണ്ടാം ഭാര്യ ഏരൂർ പൊലീസ് സ്റ്റേഷനിലെത്തി പരാതി നൽകിയതിനെത്തുടർന്നായിരുന്നു അറസ്റ്റ് .