കൊച്ചി രാജ്യാന്തര വിമാനത്താവളത്തിലെ കസ്റ്റംസ് എയർ ഇന്റലിജൻസ് യൂണിറ്റ് 2 പേരിൽ നിന്നു 3.75 കിലോഗ്രാം സ്വർണ മിശ്രിതം പിടികൂടി. ഇതിൽ നിന്ന് 1.19 കോടി രൂപ വില വരുന്ന 3.5 കിലോ ഗ്രാം സ്വർണം ലഭിക്കുമെന്നു കണക്കാക്കുന്നു. ഇന്നലെ ബഹ്റൈനിൽ നിന്നെത്തിയ മലപ്പുറം തിരൂർ സ്വദേശി മുഹമ്മദ് ദുൽഫുക്കർ അലി 2 കാലിലുമായി 3.25 കിലോഗ്രാം സ്വർണ മിശ്രിതം കെട്ടിവച്ചാണു വന്നത്. ഇയാളെ അറസ്റ്റ് ചെയ്തു.
ഷാർജയിൽ നിന്നെത്തിയ കോഴിക്കോട് സൗത്ത് ബീച്ച് സ്വദേശി അജ്മൽ അര കിലോ ഗ്രാം സ്വർണ മിശ്രിതമാണ് കടത്താൻ ശ്രമിച്ച് പിടിയിലായത്. ഇരുവരും സന്ദർശക വീസയിൽ വിദേശത്തേക്കു പോയവരാണ്.