അമ്മ സോണിയ ഗാന്ധിയെ പ്രശംസിച്ച് പ്രിയങ്ക ഗാന്ധിയുടെ ട്വീറ്റ്. റായ് ബറേലിയിൽ സോണിയ നാമനിർദേശ പത്രിക സമർപ്പിച്ചതിനു പിന്നാലെയാണ് പ്രിയങ്കയുടെ ട്വീറ്റ്. രാഹുൽ ഗാന്ധിക്കും റോബർട്ട് വാദ്രക്കുമൊപ്പമെത്തിയാണ് സോണിയ പത്രിക സമർപ്പിച്ചത്.
''എല്ലാ രാഷ്ട്രീയനേതാക്കൻമാരും സ്ഥാനാർഥികളും റായ്ബറേലിയിലെ ജനങ്ങളോടുള്ള അമ്മയുടെ സമര്‍പ്പ‌ണം കണ്ടുപഠിക്കണം. രാഷ്ട്രീയമെന്നാൽ പൊതുപ്രവർത്തനവും ആത്മസമർപ്പണവുമാണ്. അതിനുള്ള അവസരം ആർക്കൊക്കെ ലഭിക്കുന്നോ അവരൊക്കെ ജനങ്ങളോട് നന്ദിയുള്ളവരായിരിക്കണം'', പ്രിയങ്ക ട്വീറ്റ് ചെയ്തു.
റായ് ബറേലിയിൽ നിന്ന് തുടർച്ചായിയ നാലാം തവണയാണ് സോണിയ ഗാന്ധി മത്സരിക്കുന്നത്. പ്രിയങ്കക്കും രാഹുലിനുമൊപ്പമുള്ള പൂജക്കു ശേഷമാണ് പത്രിക സമർപ്പിക്കാനെത്തിയത്.