താൻ പരാജിതനാണെന്ന് ആത്മഹത്യാക്കുറിപ്പിലെഴുതി എഞ്ചിനീയറിങ്ങ് വിദ്യാർഥി ഹോസ്റ്റൽ മുറിയിൽ ആത്മഹത്യ ചെയ്തു. ഹൈദരാബാദ് ഐഐടിയിലെ അവസാന വർഷ മാസ്റ്റേഴ്സ് ഡിഗ്രി വിദ്യാർഥി മാർക്ക് ആൻഡ്രൂ ആണ് എട്ടു പേജുകളുള്ള കുറിപ്പെഴുതി ആത്മഹത്യ ചെയ്തത്.
''എനിക്കൊരു ജോലിയില്ല, കിട്ടുമെന്ന് തോന്നുന്നുമില്ല. ഒരു പരാജിതനെ ആരും ജോലിക്ക് വിളിക്കില്ല. എന്റെ മാർക്ക് ഷീറ്റിലേക്ക് നോക്കുന്നത് രസമാണ്, ഒരു ആൽഫബെറ്റ് ചാർട്ട് പോലെ. എനിക്കും സ്വപ്നങ്ങളുണ്ടായിരുന്നു, എല്ലാവരെയും പോലെ. ഇപ്പോൾ എല്ലാം ശൂന്യമാണ്. എല്ലാ ശുഭചിന്തകളും, നിരന്തരമുള്ള ചിരികളും ഞാൻ ഓകെ അല്ലെങ്കിൽ പോലും ആണെന്ന് മറ്റുള്ളവരോടുള്ള പറച്ചിലുകൾ... എല്ലാം അവസാനിക്കുന്നു'', മാര്ക്ക് ആത്മഹത്യാക്കുറിപ്പിൽ പറയുന്നു.
വാരണാസി സ്വദേശിയാണ് ആത്മഹത്യ ചെയ്ത മാർക്ക് ആൻഡ്രൂ.