മീ ടു ക്യാംപെയിൻ വ്യാജമാണെന്ന് കരുതുന്നില്ലെന്നും എന്നാൽ ചിലർ പ്രശസ്തിക്കായി അത് ദുരുപയോഗം ചെയ്യുന്നുണ്ടെന്നും സിനിമ നടി പ്രിയാമണി. മീ ടുവിൻറെ ഭാഗമായി കൂടുതൽ പേർ മുന്നോട്ടുവരണമെന്നാണ് ആഗ്രഹമെന്ന് പ്രിയാമണി ദുബായിൽ മനോരമ ന്യൂസിനോട് പറഞ്ഞു. പരാതി പറയുന്നവർ ഒറ്റപ്പെടുന്ന സാഹചര്യമുണ്ട്. എ.എം.എം.എ സംഘടനയിലും മലയാളത്തിലെ വനിതകളുടെ കൂട്ടായ്മയായ ഡബ്ല്യു.സി.സിയിലും അംഗമല്ലെന്നും എന്നാൽ, നല്ലതിന് വേണ്ടിയുള്ള എല്ലാ നീക്കങ്ങൾക്കും കൂടെയുണ്ടാകുമെന്നും പ്രിയാമണി വ്യക്തമാക്കി.