വണ്ടര് വൈഭവ്; 55 പന്തില് സെഞ്ചറി; അണ്ടര് 19 ഫൈനലില് ബാറ്റിങ് വിസ്മയം
- Sports
- Published on Feb 06, 2026, 03:20 PM IST
Image Credit:x
അണ്ടര് 19ലോകകപ്പ് ഫൈനലില് ഇന്ത്യയുടെ കൗമാര പ്രതിഭ വൈഭവ് സൂര്യവംശിയുടെ വെടിക്കെട്ട് ബാറ്റിങ്. 55 പന്തില് സെഞ്ചറി തികച്ച താരം അടുത്ത 16 പന്തില് 150 റണ്സ് തികച്ചു. 80 പന്തില് 175 റണ്സെടുത്താണ് വൈഭവ് പുറത്തായത്. ഇംഗ്ലണ്ടിനെ മൂന്ന് വിക്കറ്റ് നഷ്ടത്തില് ഇന്ത്യ 251 റണ്സെന്ന നിലയിലാണ്. 55 പന്തിലെ സെഞ്ചറിയോടെ അണ്ടര് 19 ലോകകപ്പില് രണ്ടാമത്തെ അതിവേഗ സെഞ്ചറിയും വൈഭവിന്റെ പേരിലായി. ഓസ്ട്രേലിയയുടെ വില് മലജ്സുക് (51 പന്തില്) ആണ് ഒന്നാമത്. അണ്ടര് 19 ലോകകപ്പ് ഫൈനലിലെ ഏറ്റവും പ്രായംകുറഞ്ഞ സെഞ്ചറിക്കാരനും വൈഭവ് തന്നെ.
ക്യാപ്റ്റന് ആയുഷ് മാത്രെയെ ഇന്ത്യയ്ക്ക് തുടക്കിലേ നഷ്ടമായി. വൈഭവുമൊത്ത് 142 റണ്സിന്റെ കൂട്ട്കെട്ട് തീര്ത്ത ശേഷമാണ് മാത്രെ മടങ്ങിയത്. പിന്നാലെ സെമിയില് തകര്പ്പന് പ്രകടനം പുറത്തെടുത്ത ആരോണിനെയും ഇന്ത്യയ്ക്ക് നഷ്ടമായി. 11 പന്തില് ഒന്പത് റണ്സെടുക്കാനേ ആരോണിന് ഫൈനലില് കഴിഞ്ഞുള്ളൂ.
ENGLISH SUMMARY:
