വാഹനാപകടങ്ങളുടെ നടുക്കുന്ന ദൃശ്യങ്ങൾ സോഷ്യൽ ലോകത്ത് പ്രചരിക്കാറുണ്ട്. ഇവയിൽ പലതും സിസിടിവിയിൽ പതിഞ്ഞ ദൃശ്യങ്ങളാണ് എന്നാൽ ഇപ്പോൾ സോഷ്യൽ മീഡിയയിൽ പ്രചരിക്കുന്ന വിഡിയോ പതിഞ്ഞത് കല്ല്യാണ വിഡിയോ ചിത്രീകരണത്തിനിടയിലാണ്. കിർഗിസ്ഥനിൽ നടന്ന അപകടത്തിന്റെ ദൃശ്യങ്ങളാണ് കല്ല്യാണ വിഡിയോയിൽ പതിഞ്ഞത്.
വധുവും വരനും റോഡിന് സമീപത്തെ നടപ്പാതയിലൂടെ വരുന്ന ദൃശ്യങ്ങൾ ഹെലിക്യാമിൽ പകർത്തുമ്പോഴാണ് തൊട്ടുപിന്നിൽ വമ്പൻ അപകടം നടന്നത്. അതിവേഗം എത്തിയ കാർ നിയന്ത്രണം വിട്ട് റോഡിന് സമീപത്തെ കവാടത്തിലേക്ക് ഇടിച്ചുകയറുകയായിരുന്നു. അപകടത്തിൽ കാറിലുണ്ടായിരുന്നവരുടെ പരുക്ക് ഗുരുതരമാണെന്നാണ് പുറത്തുവരുന്ന റിപ്പോർട്ടുകൾ. ഹെലിക്യാമിൽ പതിഞ്ഞ അപകടത്തിന്റെ ദൃശ്യങ്ങൾ സോഷ്യൽ ലോകത്ത് വൈറലാവുകയാണ്.