ലോകകപ്പിന് മണിക്കൂറുകള്‍ മാത്രം ശേഷിക്കെ തായ്‌ലൻഡിലെ ഒരു ഫുട്ബോള്‍ മല്‍സരം നടന്നു. തായ്‌ലൻഡിലെ കോളജ് വിദ്യാര്‍ഥികളുടെ ടീമിനെതിരെ മല്‍സരിച്ചത് നല്ല തലയെടുപ്പുള്ള എതിരാളികളായിരുന്നു
ആനപ്പൊക്കത്തിലാണ് തായ്‌ലൻഡിലെ ലോകകപ്പ് ആവേശം. തായ്‌ലൻഡിലെ പഴയ തലസ്ഥാനമായ അയുത്തയ്യയിലാണ് ആനകളുടെ ടീം മല്‍സരത്തിനിറങ്ങിത് . ഒരു ടീമാണെങ്കിലും മസ്തകത്തില്‍ അര്‍ജന്റീനയുടെയും ബ്രസീലിന്റെ ഛായം പൂശിയാണ് കൊമ്പന്‍മാരുടെ പോരാട്ടം. വലിപ്പത്തിനൊത്ത പന്തുതട്ടി കൊമ്പന്‍മാര്‍ കളം നിറഞ്ഞു . .
പെനല്‍റ്റി നഷ്ടപ്പെടുത്തിയെങ്കിലും 2-1ന് ആനപ്പട മല്‍സരം ജയിച്ചു. ലോകകപ്പിന്റെ ഭാഗമായി തായ്‌ലൻഡിൽ നടക്കുന്ന അനധികൃത വാതുവയ്പ്പിനെതിരായ ക്യാംപെയ്ന്റെ ഭാഗമായാണ് ആനകള്‍ കളത്തിലിറങ്ങിയത് .