ഏറ്റവും മികച്ച ജീവകാരുണ്യപ്രവർത്തകനുള്ള പുരസ്കാരം വടകരയിലെ എൽഡിഎഫ് സ്ഥാനാർഥി പി.ജയരാജന്. ഐ.ആർ.പി.സി. ലഹരിമുക്തകേന്ദ്രത്തിൽനിന്ന് ചികിത്സനേടിയവരുടെ ഉണർവ് സ്നേഹകൂട്ടായ്മയാണ് പുരസ്കാരം ഇൗ പ്രഖ്യാപിച്ചത്. മദ്യത്തിനും ലഹരിക്കും അടിമകളായവരെ ജീവിതത്തിലേക്ക് കൈപിടിച്ചുയർത്താനും കിടപ്പുരോഗികളെ പരിചരിക്കാനും നേതൃത്വം നൽകുന്ന പൊതുപ്രവർത്തകനെന്ന നിലയിലാണ് പുരസ്കാരത്തിന് തിരഞ്ഞെടുത്തത്.
തിരഞ്ഞെടുപ്പിൽ വാശിയേറിയ പോരാട്ടം നടക്കുന്ന മണ്ഡലമാണ് വടകര. ജയം ഉറപ്പിച്ചിറങ്ങിയ ജയരാജന് കടുത്ത വെല്ലുവിളിയാണ് യുഡിഎഫ് സ്ഥാനാർഥി കെ. മുരളീധരൻ ഉയർത്തുന്നത്.