പ്രിയക്കും പാട്ടിനുമെതിരെ പരാതി; ‘മതവികാരം വ്രണപ്പെടുത്തി’

മാണിക്യ മലരായി എന്നാ ഗാനത്തിലൂടെ പ്രേക്ഷകരുടെ മനം കവർന്ന നായിക പ്രിയാ വാരിയർക്കെതിരെ പരാതിയുമായി ഒരുകൂട്ടം മുസ്ലിം യുവാക്കൾ. പ്രവാചകനെ അപമാനിക്കുന്ന രീതിയിലുള്ള ഗാനം മുസ്ലിം  മതവികാരത്തെ വ്രണപ്പെടുത്തുന്നു എന്നാണ് ആരോപണം.  പ്രിയാ വാരിയർക്കും ഗാനത്തിന്റെ  അണിയറ പ്രവർത്തകർക്കുമെതിരെ ഹൈദ്രബാദ് ഫലാക്ക്നുമാ പൊലീസ് സ്റ്റേഷനിലാണ് പരാതി നൽകിയത്. ഗാനം നബിയെ അപമാനിക്കുന്നതാണോയെന്ന്  പരിഭാഷ പരിശോധിച്ചതിനുശേഷമേ പറയാൻ സാധിക്കുകയുള്ളുവെന്ന് പൊലീസ് അറിയിച്ചു. കേസ് രജിസ്റ്റർ ചെയ്തിട്ടില്ല