തായിഫ്: സൗദിയിൽ പിക്കപ്പും കാറും കൂട്ടിയിടിച്ച് മലയാളി ഉൾപെടെ രണ്ടു പേർ മരിച്ചു. മലപ്പുറം കരുവാരക്കുണ്ട് മഞ്ഞൾപാറ സ്വദേശി മാട്ടുമ്മൽ സിദ്ദീഖ് (50) ആണ് മരിച്ചത്. സൗദീ പൗരനാണ് മരിച്ച മറ്റൊരാൾ. പരുക്കേറ്റ കൊല്ലം സ്വദേശി നജീം തുറബ ജനറൽ ആശുപത്രിയിൽ ചികിത്സയിലാണ്. തായിഫിൽനിന്ന് 80 കിലോമീറ്റർ അകലെ തുറബ-ബീഷ റോഡിലായിരുന്നു അപകടം. സിദ്ദീഖ് സഞ്ചരിച്ച പിക്കപ്പും സ്വദേശിയുടെ കാറും കൂട്ടിയിടിക്കുകയായിരുന്നു. സിദ്ദീഖിന്‍റെ മൃതദേഹം സൗദിയിൽ ഖബറടക്കും. ഭാര്യ ജസീന. മക്ക‍ൾ: മിർസ ഷറി, റിൻസ ഷറി.