പുതുവർഷത്തിൽ ഉപയോക്താക്കളുടെ സന്തോഷം ഫുൾ കവറേജിലെത്തിക്കുന്ന ഓഫറുമായി റിലയൻസ് ജിയോ. നൂറു ശതമാനം കാഷ്ബാക്ക് വാഗ്ദാനവുമായാണ് ജിയോ വരുന്നത്. ജിയോ ഹാപ്പി ന്യൂ ഇയർ ഓഫർ എന്നാണ് പേരിട്ടിരിക്കുന്നത്. വെള്ളിയാഴ്ചയാണ് പുതുവർഷ ഓഫർ റിലയൻസ് അധികൃതർ പുറത്തുവിട്ടത്.
പ്രീ പെയ്ഡ് സ്കീം എടുത്തവർ 399 രൂപയ്ക്കു റീ ചാർജ് ചെയ്യുമ്പോഴാണ് ഓഫർ ലഭിക്കുന്നത്. 2019 ജനുവരി 31 വരെയാകും ആനുകൂല്യം ലഭിക്കുക. റിലയൻസിന്റെ തന്നെ ഫാഷൻ പോർട്ടലായ അജിയോയുമായി ചേർന്നാണ് പുതിയ ഓഫർ അവതരിപ്പിക്കുന്നത്. നിലവിലുള്ളതും പുതിയതുമായ വരിക്കാർക്കു ഓഫർ ലഭ്യമായിരിക്കും. ഓൺലൈൻ വഴിയും ഓഫർ ചെയ്യാം.