കേരളം നിക്ഷേപ സൗഹൃദ സംസ്ഥാനമാണെന്നും മറിച്ചുള്ള പ്രചാരണം തെറ്റ് ആണെന്നും മുഖ്യമന്ത്രി പിണറായി വിജയൻ. പ്രമുഖ സോഫ്റ്റ്വെയർ കമ്പനിയായ ഐബിഎസിന്റെ 25-ാം വാർഷിക ആഘോഷത്തിൽ സംസാരിക്കുകയായിരുന്നു അദ്ദേഹം. കേരളത്തിന് അഭിമാനമാണ് ഐബിഎസ്. പ്രവാസിയായിട്ടും ഇവിടെ നിക്ഷേപത്തിന് തയാറായ ആളാണ് ഐബിഎസ് സ്ഥാപകൻ വി.കെ. മാത്യൂസ്. കേരളം എത്രത്തോളം നിക്ഷേപസൗഹൃദമെന്ന് തെളിയിക്കുന്നതാണെന്നും മുഖ്യമന്ത്രി പറഞ്ഞു.
ഐ ബി എസ്സിന്‍റെ പുതിയ സംരംഭമായ കാൻഡിൽ സെന്‍റർ ഒാഫ് എക്സലൻസിന്‍റെ പ്രകാശനവും മുഖ്യമന്ത്രി നിർവഹിച്ചു. IBS സോഫ് വെയർ എക്സിക്യൂട്ടീവ് ചെയർമാൻ വി.കെ മാത്യൂസ്, ബ്ളാക്ക്സ്റ്റോൺ സീനിയർ മാനേജിംഗ് ഡയറക്ടർ മുകേഷ് മേഹ്ത, ഐബിഎസിന്റെ മറ്റ് രാജ്യങ്ങളിലെ പ്രതിനിധികൾ എന്നിവരും ചടങ്ങിൽ പങ്കെടുത്തു.