തലശ്ശേരിയിൽ റാലിക്കിടെ വിദ്വേഷ മുദ്രാവാക്യം; നാല് ബിജെപി പ്രവർത്തകർ അറസ്റ്റിൽ

കണ്ണൂർ തലശ്ശേരിയിൽ യുവമോർച്ചാ റാലിക്കിടെ വിദ്വേഷ മുദ്രാവാക്യം വിളിച്ച സംഭവത്തിൽ നാല് ബിജെപി പ്രവർത്തകർ അറസ്റ്റിലായി. ധർമ്മടം പാലയാട് സ്വദേശി ഷിജിൽ, കണ്ണവം സ്വദേശികളായ ആർ.രഗിത്ത്, വി വി ശരത്ത്, മാലൂർ സ്വദേശി ശ്രീരാഗ് എന്നിവരാണ് അറസ്റ്റിലായത് . കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു. സംഭവത്തിൽ ഉൾപ്പെട്ട 15 പേരെ തിരിച്ചറിഞ്ഞതായി തലശ്ശേരി പൊലീസ് വ്യക്തമാക്കി.