പ്രകൃതികാഴ്ചകൾ കണ്ട്, പെരിയാറിലൂടെ ഒരുബോട്ട് സവാരി; ഉണര്‍ന്ന് ടൂറിസം

വനമേഖലയോട് ചേർന്ന് പ്രകൃതികാഴ്ചകൾ കണ്ട്, പെരിയാറിലൂടെ ഒരുബോട്ട് സവാരി. കോതമംഗലം ഭൂതത്താൻകെട്ടിൽ ആണ് വീണ്ടും ബോട്ട് സവാരി തുടങ്ങിയത്. വലുതും ചെറുതുമായ ഏഴ് ബോട്ടുകളാണ് പെരിയാറിന്റെ തീരത്ത് സജ്ജമാക്കിയിട്ടുള്ളത്. 

ഈ വിനോദസഞ്ചാര കേന്ദ്രം വീണ്ടും സഞ്ചാരികളുടെ പറുദീസയാക്കുകയാണ്. നദിയിലൂടെ കാട്ടിനകത്തേക്ക് നീങ്ങുന്ന ബോട്ട് സവാരിയാണ് ഇവിടെ എത്തുന്നവരുടെ ഏറ്റവും പ്രിയപ്പെട്ട അനുഭവം. ഈ യാത്രയിൽ ആന, മാൻ, കുരങ്ങ് തുടങ്ങിയ മൃഗങ്ങളെയും വിവിധ കാട്ടുപക്ഷികളെയും കാണാം.

ബോട്ട് സവാരി വീണ്ടും സജീവമായതോടെ ഭൂതത്താൻകെട്ടിലേക്ക് കൂടുതൽ സഞ്ചാരികൾ എത്തുമെന്ന പ്രതീക്ഷയിലാണ് അധികൃതർ. ഇപ്പോൾ 7 ബോട്ടുകൾക്കാണ് അനുമതി നൽകിയിട്ടുള്ളത്. ഭൂതത്താൻകെട്ടിൽ ബോട്ടിംഗ് പുനരാരംഭിച്ചതോടെ ടൂറിസം മേഖലയ്ക്ക് കൂടുതൽ ഉണർവായിരിക്കുകയാണ്.