മകനൊപ്പം പെണ്സുഹൃത്ത്; നടുറോഡിലിട്ട് മര്ദിച്ച് മാതാപിതാക്കള്
- India
- Published on May 03, 2025, 09:01 PM IST
മകനെയും മകന്റെ പെണ്സുഹൃത്തിനെയും നടുറോഡിലിട്ട് മര്ദിച്ച് മാതാപിതാക്കള്. ഉത്തര്പ്രദേശിലെ കാന്പുരിലെ ഗുജൈനിയിലാണ് സംഭവം. മകനെ പെണ്സുഹൃത്തിനൊപ്പം കണ്ടതാണ് മാതാപിതാക്കളെ പ്രകോപിപ്പിച്ചത്. ശിവ് കിരണ്- സുശീല ദമ്പതിമാരാണ് ഇവരുടെ 21-കാരനായ മകന് രോഹിത്തിനെയും ഇയാളുടെ പെണ്സുഹൃത്തിനെയും പരസ്യമായി മര്ദിച്ചത്.
രോഹിത്തും പെണ്സുഹൃത്തും റോഡരികിലെ ഭക്ഷണശാലയില്നിന്ന് ഭക്ഷണം കഴിക്കുന്നതിനിടെയാണ് മകനെ മാതാപിതാക്കള് കണ്ടത്. പിന്നാലെ മകനെയും പെണ്സുഹൃത്തിനെയും പരസ്യമായി മര്ദിക്കുകയായിരുന്നു.രോഹിത്തും പെണ്സുഹൃത്തും സ്കൂട്ടറില് രക്ഷപ്പെടാന് ശ്രമിച്ചപ്പോള് അമ്മയായ സുശീല ഇവരെ തടഞ്ഞുനിര്ത്തി. തുടര്ന്ന് മകനെ തുടരെത്തുടരെ അടിക്കുകയും പെണ്കുട്ടിയുടെ മുടിയില് പിടിച്ചുവലിക്കാന് ശ്രമിക്കുകയും ചെയ്തു. ഇതിനിടെ, രോഹിത്തിനെ അച്ഛന് ചെരിപ്പുകൊണ്ടും അടിച്ചു.
ENGLISH SUMMARY:
