ഹാരി - മേഗൻ ദമ്പതികൾക്കും ബ്രിട്ടിഷ് രാജകുടുംബത്തിനുമിടയിൽ നിലനിൽക്കുന്ന പ്രശ്നങ്ങൾ പലകാലങ്ങളില്‍ വാർത്താ പ്രാധാന്യം നേടാറുണ്ട്. രാജകുടുംബവുമായുള്ള അകൽച്ചയും രാജകീയ ഉത്തരവാദിത്തങ്ങളിൽ നിന്നും ഹാരി പിന്തിരിഞ്ഞതും മേഗനൊപ്പം അമേരിക്കയില്‍ താമസിമാക്കിയതുമെല്ലാം ലോകമാധ്യമങ്ങളില്‍ ഏറെ ശ്രദ്ധ നേടിയതാണ്. ഇപ്പോള്‍ ബ്രിട്ടീഷ് രാജകുടുംബവുമായി ബന്ധപ്പെട്ട് വാർത്തകളിൽ നിറഞ്ഞുനിൽക്കുന്നത് മേഗൻ മാർക്കിളിന്റെ കുടുംബത്തിൽ നിന്നുള്ള സംഭവങ്ങളാണ്.
കുട്ടികൾക്കെതിരെയുള്ള ലൈംഗികാതിക്രമ ദൃശ്യങ്ങളും ചിത്രങ്ങളും കൈവശം വെക്കുകയും പ്രചരിപ്പിക്കാൻ ശ്രമിച്ചതുമായി ബന്ധപ്പെട്ട ഗുരുതരമായ കുറ്റകൃത്യങ്ങളാണ് മേഗന്റെ പിതാവ് തോമസ് മാർക്കിള്‍ സീനിയറിനെതിരെ ഉര്‍ന്നിരിക്കുന്നത്. യു.എസ് ഫെഡറൽ ഏജൻസികൾ തോമസ് മാര്‍ക്കലിനെ ഫ്‌ലോറിഡയിൽ വെച്ച് അറസ്റ്റ് ചെയ്തതായി അന്താരാഷ്ട്ര മാധ്യമങ്ങള്‍ റിപ്പോര്‍ട്ട് ചെയ്യുന്നുണ്ട്. യു.എസ് ഫെഡറൽ നിയമപ്രകാരം അതീവ ഗുരുതരമായി കണക്കാക്കുന്ന കുറ്റകൃത്യങ്ങളില ഒന്നാണിത്. തെളിയിക്കപ്പെട്ടാൽ വർഷങ്ങളോളം കഠിനതടവ് അനുഭവിക്കേണ്ടി വരും.
രാജകുടുംബവുമായി ഇടഞ്ഞുനിന്നിരുന്ന മേഗന്റെ കുടുംബാംഗങ്ങൾ പലതവണ മാധ്യമങ്ങളിൽ ചർച്ചകളിലിടം പിട്ടിച്ചുണ്ട്. എന്നാൽ, പിതാവായ തോമസ് മാർക്കിളിനെതിരെ ഇപ്പോൾ ഉയർന്നിരിക്കുന്ന ഫെഡറൽ കുറ്റകൃത്യങ്ങൾ രാജ്യാന്തര തലത്തിൽ വലിയ ശ്രദ്ധ നേടിയിരിക്കുന്നു. ആരോപണങ്ങൾ പുറത്തുവന്നതിന് പിന്നാലെ, പിതാവിനെതിരെയുള്ള വാർത്തകൾ കേട്ട് അതീവ ദുഃഖവും ഞെട്ടലും തോന്നിയതായി മേഗൻ പ്രതികരിച്ചു. ഇത്തരം കേസുകളിൽ നിയമം അതിന്റെ വഴിക്ക് പോകണമെന്നും ഇരകൾക്ക് നീതി ലഭിക്കണമെന്നും മേഗൻ മാർക്കിള്‍ വ്യക്തമാക്കി.
എന്നാല്‍, തനിക്കെതിരെ ഉയർന്നുവന്നിട്ടുള്ള എല്ലാ ആരോപണങ്ങളും അടിസ്ഥാനരഹിതമാണെന്ന് തോമസ് മാർക്കിള്‍ മാധ്യമങ്ങളോട് പ്രതികരിച്ചിട്ടുണ്ട്. മുൻപും രാജകുടുംബവുമായി ബന്ധപ്പെട്ട പല വിവാദങ്ങളിലും തോമസ് മാർക്കിള്‍ ഇടംപിടിച്ചിട്ടുണ്ടെങ്കിലും, ഇപ്പോൾ ഉയർന്നിരിക്കുന്ന കുറ്റകൃത്യം നിയമപരമായും സാമൂഹികമായും രാജ്യാന്തര തലത്തിൽ വലിയ പ്രത്യാഘാതമുണ്ടാക്കുന്നതാണ്.