ഷിപ് റിപ്പയറിങ്ങില് വമ്പന് ഹബ് ആക്കുകയെന്ന ലക്ഷ്യത്തോടെ കൊച്ചിന് ഷിപ് യാഡും ദുബായ് ആസ്ഥാനമായ ഡ്രൈ ഡോക്സ് വേള്ഡും ചേര്ന്ന് 1800 കോടി രൂപ മൂല്യമുള്ള സംയുക്ത സംരംഭത്തിന് കരാറൊപ്പിട്ടു. വില്ലിങ്ഡന് ഐലന്ഡില് സിഎസ്എലിനു കീഴിലുള്ള ഇന്റര്നാഷനല് ഷിപ് റിപ്പയര് ഫെസിലിറ്റിയുടെ നടത്തിപ്പിനും വികസനത്തിനുമാണ് സംയുക്ത സംരംഭം രൂപീകരിക്കുന്നത്.
ഇരുകമ്പനികള്ക്കും 50 ശതമാനം വീതമാണ് ഓഹരി പങ്കാളിത്തം. ഡ്രൈ ഡോക്സ് വേള്ഡ് പ്രതിനിധിയാകും സിഇഒ. ഡല്ഹിയിലെ ചടങ്ങില് ഡ്രൈ ഡോക്സ് വേള്ഡ് സിഇഒ ക്യാപ്റ്റന് റാഡോ ആന്റോലോവിച്, സിഎസ്എല് സിഎംഡി വി.ജെ ജോസ് എന്നിവര് കരാര് ഒപ്പുവച്ചു. കേന്ദ്ര തുറമുഖ മന്ത്രി സര്ബാനന്ദ സോനോവാള്, യുഎഇ വിദേശകാര്യ ഉപമന്ത്രി ഒമ്രാന് ഷറഫ് അല്ഹാഷിമി എന്നിവരുടെ സാന്നിധ്യത്തിലായിരുന്നു ചടങ്ങ്.