ഫുട്ബോള്‍ കൊണ്ട് അമ്മാനമാടാനും അഭ്യാസങ്ങൾ കാണിക്കാനും ആൺകുട്ടികളെ കൊണ്ടു മാത്രമല്ല, തങ്ങളെക്കൊണ്ടുമാകുമെന്ന് തെളിയിച്ചിരിക്കുകയാണ് ഈ മലേഷ്യക്കാരി പെൺകുട്ടി. ബുർഖ ധരിച്ച് ഫുട്ബോൾ തട്ടുന്ന പെണ്‍കുട്ടിയുടെ വിഡിയോ നവമാധ്യമങ്ങളിൽ വൈറലായിക്കഴിഞ്ഞു.
ഡ്രിബിളിങ്ങ്, ജഗ്ളിങ്ങ്, ബാലൻസിങ്ങ് തുടങ്ങി പല വിദ്യകളും കാണിക്കുന്നുണ്ട് വിഡിയോയിൽ പ്രത്യക്ഷപ്പെടുന്ന ഈ പെൺകുട്ടി. യൂട്യൂബ് വിഡിയോകൾ കണ്ടാണ് ഈ അഭ്യാസങ്ങളെല്ലാം പഠിച്ചെടുത്തതെന്നും ഫുട്ബോൾ ജീവനാണെന്നും പെൺകുട്ടി പറയുന്നു.
മലേഷ്യയിലെ ഏറ്റവും ജനകീയമായ കായിക ഇനമാണ് ഫുട്ബോൾ. ഇംഗ്ലണ്ട് ക്രിക്കറ്റ് താരം കെവിൻ പീറ്റേഴ്സൺ ഫുഡ്ബോൾ തട്ടുന്ന മലേഷ്യയിലെ അഞ്ചു വയസുകാരൻറെ വിഡിയോ ഇൻസ്റ്റഗ്രാമിൽ പോസ്റ്റ് ചെയ്യുകയും പോസ്റ്റ് വൈറലാവുകയും ചെയ്തിരുന്നു.