വടാട്ടുപാറയിൽ വീടിന്റെ മുന്നിൽ വാതിൽ പടിയിൽ കിടന്ന കൂറ്റൻ രാജവെമ്പാലയെ വനപാലകർ പിടികൂടി. പനംചുവട് പാത്തുങ്കൽ പയ്യിൽ ബോസിന്റെ വീട്ടിൽ ഇന്നലെ ഉച്ചയോടെയാണു സംഭവം. ബോസിന്റെ മകൾ ടെൻസി (9) വാതിൽ തുറന്നപ്പോഴാണു കൺമുന്നിൽ പാമ്പിനെ കണ്ടത്.
പേടിച്ചു നിലവിളിച്ച കുട്ടി പെട്ടെന്നു വാതിൽ അടച്ചു രക്ഷപ്പെട്ടു. ബഹളം കേട്ട് ഓടിക്കൂടിയ നാട്ടുകാർ വനപാലകരെ അറിയിക്കുകയായിരുന്നു. 13 അടി നീളമുള്ള പാമ്പിനെ വനപാലകരോടൊപ്പം എത്തിയ മാർട്ടിൻ മേയ്ക്കമാലിയാണു പിടികൂടിയത്. പാമ്പിനെ പിന്നീട് ഇടമലയാർ വനത്തിൽ തുറന്നു വിട്ടു.