കൊല്ലപ്പെട്ട യൂത്ത് കോണ്ഗ്രസ് പ്രവര്ത്തകന് കൃപേഷിന് വീട് നിര്മിച്ചു നല്കുമെന്ന് ഹൈബി ഈഡന് എംഎല്എ. എംഎല്എയുടെ നേതൃത്വത്തില് നടക്കുന്ന തണല് ഭവനനിര്മാണ പദ്ധതിയില് ഉള്പ്പെടുത്തിയാവും വീട് നിര്മിച്ചു നല്കുക. കൃപേഷിന്റെ കുടുംബത്തിന്റെ ഉത്തരവാദിത്തം ഓരോ കോണ്ഗ്രസുകാരന്റെയും ബാധ്യതയാണെന്നും അതിനാലാണ് അടച്ചുറപ്പുളള വീടെന്ന കൃപേഷിന്റെ സ്വപ്നം പൂര്ത്തീകരിക്കാന് താന് തീരുമാനിച്ചതെന്നും ഹൈബി പറഞ്ഞു.