ഛത്തീസ്ഗഡിൽ വരനും സംഘവും സഞ്ചരിച്ചിരുന്ന കാർ വിവാഹത്തോട് അനുബന്ധിച്ച് നടന്ന ആഘോഷ പരിപാടിയിൽ പങ്കെടുക്കുന്നവർക്കു നേരെ ഇടിച്ചുകയറി 25 പേർക്ക് പരുക്ക്. ഇതിൽ ഒൻപത് പേരുടെ നില ഗുരുതരമാണ്. ഛത്തീസ്ഗഡിലെ ജാൻജ്ഗിർ ചംപ ജില്ലയിൽ തിങ്കളാഴ്ചയാണ് സംഭവം.
സ്ത്രീകളും കുട്ടികളും ഉൾപ്പെടെയുള്ളർക്കുനേരെയാണ് വരനും സംഘവും സഞ്ചരിച്ചിരുന്ന വണ്ടി പാഞ്ഞുകയറിയത്. അപകടമുണ്ടായ ഉടനെ ഡ്രൈവർ വണ്ടി റിവേഴ്സ് എടുത്തതും പരുക്കേറ്റവരുടെ എണ്ണംകൂട്ടി. ഡ്രൈവർ ഉടൻ സംഭവസ്ഥലത്തുനിന്ന് കടന്നുകളുകയായിരുന്നു. ഇയാൾ മദ്യപിച്ചിരുന്നതായും പൊലീസ് സംശയിക്കുന്നുണ്ട്. സംഭവത്തിന്റെ വിഡിയോ പുറത്തുവന്നിട്ടിണ്ട്. പൊലീസ് ഇത് വിശദമായി പരിശോധിച്ചുവരികയാണ്.