ജമ്മുവും കശ്മീർ താഴ്വരയും ലഡാക്കുമടങ്ങിയ ഭാഗങ്ങൾ ഇന്ത്യൻ അധീന ജമ്മു കാശ്മീരാണെന്ന വിവാദ ഫെയ്സ്ബുക്ക് പോസ്റ്റുമായി കെ.ടി.ജലീൽ എംഎൽഎ. പാകിസ്ഥാനോട് ചേർക്കപ്പെട്ട കശ്മീരിന്റെ ഭാഗം ആസാദ് കാശ്മീർ എന്നറിയപ്പെടുന്നുവെന്നും പോസ്റ്റിലുണ്ട്. പാക് അധീന കാശ്മീരിൽ പാകിസ്ഥാൻ കൂടുതൽ ഇടപെടലുകൾ നടത്തുന്നില്ലെന്ന് പോസ്റ്റിൽ എഴുതിയത് പാകിസ്ഥാനെ പുകഴ്ത്തലാണെന്നും ആരോപണം ഉയർന്നു. മുൻ മന്ത്രി എ.സി. മൊയ്തീൻ അടക്കമുള്ള ജനപ്രതിനിധികൾക്കൊപ്പം നടത്തിയ കാശ്മീർ യാത്രക്ക് പിന്നാലെയാണ് കെ. ടി. ജലീലിന്റെ വിവാദ പോസ്റ്റ്