മൂലമ്പള്ളി-ചാത്തനാട് പാത വൈകിപ്പിക്കുന്നതായി പരാതി; പ്രതിഷേധവുമായി നാട്ടുകാർ

കൊച്ചി മൂലമ്പള്ളി – ചാത്തനാട് പാത പദ്ധതി മനപൂര്‍വം വൈകിപ്പിച്ചതായി പരാതി. പദ്ധതിയുടെ ഭാഗമായ വലിയ കടമക്കുടി – പിഴല റീച്ചിന്‍റെ  പ്രവര്‍ത്തി കഴിഞ്ഞ എല്‍.‍ഡി.എഫ് സര്‍ക്കാരുകള്‍ വൈകിപ്പിച്ചതായാണ് ആക്ഷേപം.മുഖ്യമന്ത്രിയുടെ മണ്ഡലമായ പറവൂരും ഉള്‍പ്പെടുന്നതാണ് പദ്ധതി.

മൂലമ്പള്ളി – പിഴല റീച്ചും കടമക്കുടി –ചാത്തനാട് റോഡിന്‍റെ  നിര്‍മാണവും പൂര്‍ത്തിയായെങ്കിലും കടമക്കുടി – പിഴല റോഡിന്‍റെ നിര്‍മാണം  ഇന്നും കടലാസിലാണ്. ഈ റീച്ച് കുടി പൂര്‍ത്തിയാകാതെ മുലമ്പള്ളി – ‍ചാത്തനാട് പദ്ധതി കൊണ്ടു കാര്യമില്ല.ഇന്നും പുഴകടക്കാന്‍ വള്ളം വേണം. 

കടമക്കുടി – പിഴല പാതയുടെ നിര്‍മാണം പൂര്‍ത്തിയായാല്‍ കിലോമീറ്ററുകള്‍  ചുറ്റിയുള്ള യാത്രകള്‍ ഒഴിവാകുമെന്ന് മാത്രമല്ല.ചരക്ക് ഗതാഗതം സുഖമമാക്കുന്നതിനു പാത ഉപകരിക്കും. ഉമ്മന്‍ ചാണ്ടി സര്‍ക്കാര്‍ തുടങ്ങിയ  പദ്ധതി സതീശന്‍ സര്‍ക്കാര്‍ പൂര്‍ത്തികരിക്കുമെന്നാണ് നാട്ടുകാരുടെ പ്രതീക്ഷ.ഒപ്പു ശേഖരണമടക്കം നടത്തി സര്‍ക്കാരിലേക്ക് നിവേദനം സമര്‍പ്പിക്കാനാണ് നാട്ടുകാരുടെ തീരുമാനം