'മണിക്കൂറുകള്‍ക്കുള്ളില്‍ കേരളത്തിന്റെ മുഖ്യമന്ത്രിയെ ഹൈക്കമാന്‍ഡ് പ്രഖ്യാപിക്കും'; ഷാനിമോള്‍ ഉസ്മാന്‍

മണിക്കൂറുകള്‍ക്കുള്ളില്‍ കേരളത്തിന്റെ മുഖ്യമന്ത്രിയെ ഹൈക്കമാന്‍ഡ് പ്രഖ്യാപിക്കുമെന്ന് നിയുക്ത അരൂര്‍ എംഎല്‍എ ഷാനിമോള്‍ ഉസ്മാന്‍. മുഖ്യമന്ത്രിയെ തീരുമാനിക്കുന്നത് വൈകിയെന്ന് കരുതുന്നില്ല. ചര്‍ച്ചകള്‍ക്ക് ശേഷമേ മുഖ്യമന്ത്രിയെ തീരുമാനിക്കാനാകൂ., കോണ്‍ഗ്രസ് ജനാധിപത്യപാര്‍ട്ടിയാണ്.  നേതാക്കന്മാരാരും നേരിട്ട് വന്ന് അവകാശവാദമുന്നയിച്ച് കണ്ടില്ല. അങ്ങനെ വന്നാല്‍ പരിഹാരം കാണേണ്ടത് ഹൈക്കമാന്‍ഡാണ്. ആ തീരുമാനത്തിനൊപ്പം പാറപോലെ ഉറച്ചു നില്‍ക്കുമെന്നും ഷാനിമോള്‍ ഉസ്മാന്‍ മനോരമ ന്യൂസ് ഹലോ കേരളത്തില്‍ പറഞ്ഞു.