ബിഗ് ബോസ് താരം റോബിന് രാധാകൃഷ്ണന് ബിജെപിയില്. തിരുവനന്തപുരത്ത് ബിജെപി ആസ്ഥാനമായ മാരാര്ജി ഭവനില് വച്ച് അധ്യക്ഷന് രാജീവ് ചന്ദ്രശേഖറില് നിന്ന് അംഗത്വം സ്വീകരിച്ചു. റോബിന് ബിജെപിയില് ചേര്ന്നേക്കുമെന്നും നിയമസഭാ തെരഞ്ഞെടുപ്പില് മത്സരിച്ചേക്കുമെന്നും അഭ്യൂഹമുണ്ടായിരുന്നു. താന് സംഘിയാണെന്ന് അഭിമാനത്തോടെ പറയും എന്നായിരുന്നു റോബിന് അന്ന് പ്രതികരിച്ചത്.
'ഞാന് ആരെ ഇഷ്ടപ്പെടണം, പിന്തുണയ്ക്കണം എന്നതെല്ലാം വ്യക്തിപരമായ കാര്യങ്ങളാണ്. റോബിന് സംഘിയാണ്, ചാണകമാണ്, ചാണകത്തില് ചവിട്ടിയെന്നെല്ലാം ഒരുപാട് പേര് പറയുന്നതുകണ്ടു. വ്യക്തിപരമായ ഇഷ്ടമാണ്. എനിക്ക് ബിജെപിയില് അംഗത്വമില്ല. ബിജെപിയെയും നരേന്ദ്രമോദിയെയും എനിക്ക് ഇഷ്ടമാണ്. ലോകത്തിലെ ശക്തരായ നേതാക്കളില് ഒരാളാണ് നരേന്ദ്രമോദി. ഞാനൊരു സംഘിയാണെന്ന് അഭിമാനത്തോടെ പറയുന്നു. നിങ്ങളുടെ ഇഷ്ടങ്ങളെ ചോദ്യം ചെയ്യാന് വരുന്നില്ലല്ലോ’ – ഇതായിരുന്നു റോബിന്റെ പ്രതികരണം.
ENGLISH SUMMARY:
