മില്‍മ പാലിന് ലീറ്ററിന് 4 രൂപ കൂട്ടി; ജൂണ്‍ ഒന്നുമുതല്‍ പ്രാബല്യത്തില്‍ വരും

സംസ്ഥാനത്ത് മിൽമ പാൽ വില ലീറ്ററിന് 4 രൂപ വർധിപ്പിക്കാൻ മിൽമ ഡയറക്ടർ ബോർഡ് യോഗം തീരുമാനിച്ചു. വില വർധന അടുത്ത മാസം ജൂൺ 1 മുതൽ പ്രാബല്യത്തിൽ.മിൽമയുടെ ശുപാർശയ്ക്ക് ഇടതുസർക്കാർ അംഗീകാരം നൽകിയിരുന്നെങ്കിലും തിരഞ്ഞെടുപ്പു പെരുമാറ്റച്ചട്ടമുള്ളതിനാൽ നടപ്പാക്കിയിരുന്നില്ല. 

 

സർക്കാർ അധികാരമേറ്റയുടൻ പാലിനു വില വർധിപ്പിക്കുന്നത് എതിരഭിപ്രായം ഉണ്ടാക്കുമെങ്കിലും വില കൂട്ടിയില്ലെങ്കിൽ ക്ഷീരകർഷകരുടെ ഭാഗത്തു നിന്ന് എതിർപ്പുണ്ടാകും. വർധിപ്പിക്കുന്ന വിലയുടെ 83.75% കർഷകർക്കു തന്നെ നൽകാനാണു തീരുമാനം. 

 

പാൽവില കൂട്ടാൻ 6 മാസം മുൻപു തീരുമാനിച്ചതാണെന്നും രാഷ്ട്രീയലക്ഷ്യത്തോടെ തീരുമാനം വൈകിച്ചതാണെന്നും യുഡിഎഫ് ഭരിക്കുന്ന മിൽമ മലബാർ മേഖലാ യൂണിയൻ പരാതിപ്പെട്ടിരുന്നു.