AI Generated Image
കഴുത്തില്‍ ഇലക്ട്രിക് ഹോട്ട് വാട്ടര്‍ബാഗ് വച്ച് കിടന്നുറങ്ങിയ എന്‍ജിനീയര്‍ മരിച്ചു. ഹോട്ട് വാട്ടര്‍ബാഗില്‍ നിന്നും വൈദ്യുതാഘാതമേറ്റാണ് മരണം സംഭവിച്ചത്. പുനെയിലെ സോംനാഥ് നഗര്‍ മേഖലയിലാണ് സംഭവം.
Also Read: 'ഇന്ത്യ കോളനിയല്ല, ഒരു ശതകോടീശ്വരനും രാജ്യത്തിന്റെ നയം നിർണയിക്കേണ്ട'; മസ്കിന് കമൽഹാസന്റെ മറുപടി
30കാരനായ രോഹന്‍ കുബാഡിയ്ക്കാണ് ഹോട്ട് വാട്ടര്‍ബാഗില്‍ നിന്നുള്ള ഷോക്കേറ്റ് മരണം സംഭവിച്ചത്. കഴിഞ്ഞ മൂന്നുമാസമായി സോംനാഥ് മേഖലയില്‍ വാടകവീടെടുത്ത് താമസിക്കുകയായിരുന്നു രോഹന്‍. കഴിഞ്ഞ ചൊവ്വാഴ്ച മരണം സംഭവിച്ചെങ്കിലും രണ്ടു ദിവസം കഴിഞ്ഞാണ് സംഭവം പുറത്തറിഞ്ഞത്. ഈ ഭാഗത്തുനിന്നും ദുര്‍ഗന്ധം വമിച്ചതോടെയാണ് പരിസരവാസികള്‍ ശ്രദ്ധിക്കുന്നത്.
Also Read: ഫ്ലോറിഡയിൽ ആഞ്ഞടിച്ച് ‘ഇസയാസ്’ ചുഴലിക്കാറ്റ്; കനത്ത പ്രളയ മുന്നറിയിപ്പ്, 5 ലക്ഷം വീടുകള്‍ ഇരുട്ടില്‍
രോഹനെ പലതവണ വിളിച്ചെങ്കിലും മറുപടി ഇല്ലാതായതോടെ വീട്ടുടമ വീട് തുറന്ന് പരിശോധിച്ചപ്പോഴാണ് മൃതദേഹം കണ്ടെത്തിയത്. കട്ടിലില്‍ കിടക്കുന്ന നിലയിലായിരുന്ന മൃതദേഹത്തിനടുത്തായി രക്തക്കറകളും കാണാമായിരുന്നുവെന്ന് പൊലീസ് പറയുന്നു. ചന്ദന്നഗര്‍ പൊലീസ് സ്ഥലത്തെത്തി നടപടികള്‍ പൂര്‍ത്തിയാക്കിയ ശേഷം പോസ്റ്റുമോര്‍ട്ടത്തിനായി മാറ്റി. ഹോട്ട് വാട്ടര്‍ബാഗില്‍ നിന്നുള്ള ഷോക്കേറ്റാണ് മരണമെന്ന് പ്രാഥമികാന്വേഷണത്തില്‍ തന്നെ കണ്ടെത്തിയിട്ടുണ്ട്.