മോദിയെ ഫോണില്‍ വിളിച്ചു; പിറന്നാള്‍ ആശംസ നേര്‍ന്ന് ട്രംപ്

പ്രധാനമന്ത്രി നരേന്ദ്ര മോദിക്ക് പിറന്നാൾ ആശംസകൾ നേർന്ന് യു.എസ്. പ്രസിഡൻ്റ് ഡൊണാൾഡ് ട്രംപ്. മോദിയെ ഫോണിൽ വിളിച്ചാണ് ട്രംപ് ആശംസകൾ അറിയിച്ചത്. ട്രംപിന്റെ ഊഷ്മളമായ ആശംസകൾക്ക് നന്ദി അറിയിച്ച മോദി, ഇരു രാജ്യങ്ങളും തമ്മിലുള്ള പങ്കാളിത്തം പുതിയ ഉയരങ്ങളിലേക്ക് കൊണ്ടുപോകാൻ താൻ പ്രതിജ്ഞാബദ്ധനാണെന്നും പറഞ്ഞു. യുക്രെയ്ൻ സംഘർഷം പരിഹരിക്കുന്നതിനുള്ള ഇന്ത്യയുടെ പിന്തുണക്ക് നന്ദി അറിയിച്ച ട്രംപ്, ഇരു രാജ്യങ്ങളും തമ്മിലുള്ള ബന്ധം കൂടുതൽ ശക്തമാക്കാൻ ആഗ്രഹം പ്രകടിപ്പിച്ചു.