പതിനായിരത്തിനപ്പുറത്തേക്ക് ലീഡ് പോയത് സിപിഎം പരിശോധിക്കട്ടെയെന്ന് കെ.വി.തോമസ്. ഫീല്ഡില് കണ്ടതിനപ്പുറം തരംഗം വോട്ടെണ്ണലില് വ്യക്തമാണ്. കേരളം പലപ്പോഴും വികസനമുദ്രാവാക്യം വേണ്ടവിധം ഉള്ക്കൊണ്ടിട്ടില്ല. ഇപ്പോഴും സോണിയ ഉള്പ്പെടെ കോണ്ഗ്രസ് നേതാക്കളുമായി ഉറ്റബന്ധമുണ്ട്. ഉമ തോമസിനെ അഭിനന്ദിച്ച് തോമസ് രംഗത്തെത്തി. അന്നും ഇന്നും വ്യക്തിബന്ധമുണ്ട്. ഈ സമയം കല്ലിടണോ? എന്ന് പിണറായിയോട് ചോദിച്ചത് താനെന്നും തോമസ് പറഞ്ഞു.
വികസനം വേണ്ട രീതിയിൽ ചർച്ച ആയില്ലെന്നും കെ.വി.തോമസ് പറഞ്ഞു. തൃക്കാക്കരയിൽ എന്താണ് സംഭവിച്ചതെന്ന് പരിശോധിക്കണം. . നിരാശയില്ല. തന്റെ നിലപാടിൽ മാറ്റമില്ലെന്നും കെ.വി.തോമസ് മനോരമ ന്യൂസിനോട് പറഞ്ഞു. തൃക്കാക്കരയിൽ ഉമ തോമസ് ജയം ഉറപ്പിച്ചതിനോട് പ്രതികരിക്കുകയായിരുന്നു അദ്ദേഹം. അതിനിടെ, കെ വി തോമസിനെതിരെ യുഡിഎഫ് പ്രതിഷേധം പലയിടങ്ങളിലും തുടരുകയാണ്.