Image Credit:Reuters/ AP
ബാലലൈംഗിക കുറ്റവാളി ജെഫ്രി എപ്സ്റ്റൈന്റെ ഫയലുകള് അമേരിക്കന് രാഷ്ട്രീയത്തെ വീണ്ടും തീപിടിപ്പിക്കുന്നു. നീതിന്യായവകുപ്പ് ഇന്നലെ പരസ്യപ്പെടുത്തിയ ഫയലുകളിലൊന്നില് പ്രസിഡന്റ് ഡോണള്ഡ് ട്രംപിനെതിരെ ബലാല്സംഗ ആരോപണമുണ്ട്. എപ്സ്റ്റൈനുമായി ബന്ധമുള്ള ഒരു ലിമോസിന് ഡ്രൈവറുടെ വെളിപ്പെടുത്തല് അടങ്ങിയ എഫ്.ബി.ഐ റിപ്പോര്ട്ടാണ് പുറത്തുവന്നത്. കാറില് കയറിയ യുവതി ഫോണില് മറ്റൊരാളോട് ട്രംപിനെക്കുറിച്ച് പറഞ്ഞത് കേട്ട ഡ്രൈവര് അക്കാര്യം എഫ്.ബി.ഐ ഏജന്റിനെ അറിയിക്കുകയായിരുന്നു. ‘അയാള് എന്നെ ബലാല്സംഗം ചെയ്തു’ എന്നാണ് അവര് പറഞ്ഞത്.
Ghislaine Maxwell and Donald Trump are shown in this image released by the Department of Justice in Washington, D.C., U.S., on December 23, 2025 as part of a new trove of documents from its investigations into the late financier and convicted sex offender Jeffrey Epstein. U.S. Justice Department/Handout via REUTERS THIS IMAGE HAS BEEN SUPPLIED BY A THIRD PARTY TPX IMAGES OF THE DAY
ജെഫ്രി എപ്സ്റ്റൈനെ കുറിച്ചും 1995ല് നടന്ന സംഭാഷണത്തില് വ്യക്തമായി പരാമര്ശിച്ചിരുന്നു. ബലാല്സംഗം ചെയ്യപ്പെട്ട വിവരം പൊലീസിനെ അറിയിച്ചെന്ന് യുവതി പിന്നീട് തന്നോട് നേരിട്ട് പറഞ്ഞെന്നും ഡ്രൈവറുടെ മൊഴിയിലുണ്ട്. ആരോപണം ഉന്നയിച്ച യുവതിയെ 2000ല് മരിച്ച നിലയില് കണ്ടെത്തി. ഇതുമായി ബന്ധപ്പെട്ട എഫ്.ബി.ഐ റിപ്പോര്ട്ടിന്റെ മിക്കഭാഗങ്ങളും മറച്ചുവച്ചാണ് നീതിന്യായ വകുപ്പ് പ്രസിദ്ധീകരിച്ചത്.
ആരോപണത്തിന് വിശ്വാസ്യതയില്ലെന്നാണ് എപ്സ്റ്റൈന് ഫയലുകള് പരസ്യപ്പെടുത്തേണ്ട ചുമതലയുള്ള ഡിപ്പാര്ട്ട്മെന്റ് ഓഫ് ജസ്റ്റിസിന്റെ പ്രതികരണം. 'ഇതെല്ലാം അടിസ്ഥാനരഹിതമായ കാര്യങ്ങളാണ്. വസ്തുതയുടെ കണികയെങ്കിലും ഉണ്ടായിരുന്നെങ്കില് പ്രസിഡന്റ് ട്രംപിനെതിരെ അത് രാഷ്ട്രീയ ആയുധമാക്കില്ലായിരുന്നോ' എന്നാണ് നീതിന്യായ വകുപ്പിന്റെ വിചിത്രമായ ചോദ്യം. 2020ലെ പ്രസിഡന്റ് തിരഞ്ഞെടുപ്പിന് മുന്പുതന്നെ റിപ്പോര്ട്ട് എഫ്.ബി.ഐയ്ക്ക് കൈമാറിയിരുന്നതാണെന്നും ഡിപ്പാര്ട്ട്മെന്റ് ഓഫ് ജസ്റ്റിസ് പറയുന്നു.
This photo illustration taken in Washington, DC, on December 23, 2025 shows part of a new batch of files released on Tuesday by the US government in relation to the notorious late sex offender Jeffrey Epstein containing numerous references to Donald Trump, including documents detailing flights he took on his then close friend's private jet. Epstein cultivated a wide circle of powerful friends, including Trump, and was alleged to have run an underage sex trafficking ring before his 2019 death in jail. Trump, who is not accused of any wrongdoing, fought for months to prevent the release of the vast trove of documents collected during years of investigations into the disgraced financier. (Photo by AFP)
ഡോണള്ഡ് ട്രംപും ലൈംഗിക കുറ്റവാളി ജെഫ്രി എപ്സ്റ്റൈനും തമ്മില് വളരെ അടുത്ത ബന്ധമുണ്ടായിരുന്നു. ഇതിനുള്ള ഒട്ടേറെ തെളിവുകള് നേരത്തേ തന്നെ പുറത്തുവന്നതാണ്. ഡിപ്പാര്ട്ട്മെന്റ് ഓഫ് ജസ്റ്റിസ് പുറത്തുവിട്ട ഫയലുകളില് എപ്സ്റ്റൈനിന്റെ സ്വകാര്യവിമാനത്തില് ട്രംപ് നടത്തിയ യാത്രകളുടെ വിവരങ്ങളുണ്ട്. 2019ല് എപ്സ്റ്റൈന് അറസ്റ്റിലാകുന്നതിന് വളരെ മുന്പുതന്നെ അയാളുമായുള്ള ബന്ധം വിച്ഛേദിച്ചിരുന്നുവെന്നാണ് ട്രംപിന്റെ നിലപാട്.
ജെഫ്രി എപ്സ്റ്റൈന്റെ കുറ്റകൃത്യങ്ങള് സംബന്ധിച്ച ഫയലുകള് അമേരിക്കന് ഭരണകൂടം പാസാക്കിയ നിയമപ്രകാരമാണ് പുറത്തുവിടുന്നത്. എന്നാല് ഡിപ്പാര്ട്ട്മെന്റ് ഓഫ് ജസ്റ്റിസ് ഒട്ടേറെ വിവരങ്ങള് എഡിറ്റ് ചെയ്ത് മാറ്റിയിട്ടുണ്ട്. ഇരകളെ തിരിച്ചറിയുന്ന തരത്തില് ഫയലുകള് പരസ്യമാക്കി വിവാദം ക്ഷണിച്ചുവരുത്തുകയും പിന്നീട് അവ പിന്ലിക്കുകയും ചെയ്തിരുന്നു.