കാവി വസ്ത്രം ധരിച്ചതിന്‍റെ കാരണമെന്ത്?; യൂട്യൂബറുടെ ചോദ്യത്തിന് പ്രിയ വാര്യരുടെ മറുപടി

യൂട്യൂബറുടെ ചോദ്യത്തിന് ചുട്ടമറുപടിയുമായി പ്രിയ വാര്യർ. കാവി വസ്ത്രം ധരിച്ചതിനെ ചോദ്യം ചെയ്ത യൂട്യൂബർക്ക് പ്രിയ നൽകിയ മറുപടിയാണ് ഇപ്പോൾ സോഷ്യൽ മീഡിയയിൽ വൈറലാകുന്നത്. പ്രിയ ബ്രാൻഡ് അംബാസഡറായ ഒരു ഉൽപ്പന്നത്തിന്‍റെ പ്രമോഷൻ പരിപാടിക്കിടെയായിരുന്നു സംഭവം. ആ ബ്രാൻഡിന്‍റെ നിറം കാവിയാണ്. അതുകൊണ്ട് തന്നെ ബ്രാൻഡിനോട് ചേർന്നു നിൽക്കുന്ന കാവി നിറത്തിലുള്ള ഒരു മനോഹരമായ ഔട്ട്ഫിറ്റ് അണിഞ്ഞാണ് പ്രിയ ചടങ്ങിന് എത്തിയത്.

പരിപാടിക്കിടെ ഒരു യൂട്യൂബർ പ്രിയയോട് ചോദിച്ചത് ഇങ്ങനെ - ബോട്ടിലിന് എന്തുകൊണ്ടാണ് ഈ കാവി നിറം തിരഞ്ഞെടുത്തത്? ആകർഷകമായ നിറമായതുകൊണ്ടാണോ? നിങ്ങൾ ഇന്ന് കാവി വസ്ത്രം ധരിക്കാൻ പ്രത്യേകിച്ച് എന്തെങ്കിലും കാരണമുണ്ടോ? പ്രിയയുടെ മറുപടി ഇങ്ങനെയായിരുന്നു–‘എന്‍റെ പൊന്നു ചേട്ടാ...ഇത് വർഷങ്ങളായി ഈ ബ്രാൻഡിന്‍റെ കളറാണ്. ഞാൻ ഈ ബ്രാൻഡിന്‍റെ അംബാസഡറാണ്. അപ്പോൾ ആ ബ്രാൻഡിനെ റെപ്രസെന്‍റ് ചെയ്യുമ്പോൾ ആ കളറിനോട് ചേർന്നു നിൽക്കുന്ന ഡ്രസ്സ് ഇടുന്നതല്ലേ ശരി?.

പ്രിയയുടെ മറുപടി ഏതായാലും ഇൻസ്റ്റാഗ്രാമിലും യൂട്യൂബിലുമൊക്കെ വൈറലാണ്. കാവി വിവാദത്തിൽ പ്രിയ നൽകിയ ഈ മറുപടിക്ക് വലിയ കയ്യടിയാണ് സോഷ്യൽ മീഡിയയിൽ നിന്നും ലഭിക്കുന്നത്.