ബ്രേക്ക് അപ് പോസ്റ്റോ? 'ഇനി ആരുടെയും അനുവാദം വേണ്ട, ഇനി ഭയമില്ല'; കുറിപ്പുമായി അനുപമ

സമൂഹ മാധ്യമങ്ങളില്‍ ശ്രദ്ധ നേടി നടി അനുപമ പരമേശ്വരന്‍റെ പോസ്റ്റ്. തന്നിലേക്കുള്ള തിരിച്ചുവരവിന്റെ പാതയിലാണെന്നും ഒരിക്കൽ എന്റേതാണെന്ന് ഞാൻ മറന്നുപോയ ജീവിതത്തെ വീണ്ടും പ്രണയിക്കുകയാണെന്നും അനുപമ കുറിച്ചു. തന്നെ വിശ്വസിച്ചവര്‍ക്കും പിന്തുണച്ചവര്‍ക്കും നന്ദിയെന്നും അനുപമ കുറിച്ചു. 

'ചിലപ്പോഴൊക്കെ, സമാധാനം കണ്ടെത്തണമെങ്കിൽ എവിടെയും എത്തിച്ചേരാനാകാത്ത വഴികളെ ഉപേക്ഷിക്കേണ്ടിവരും. ഇന്ന്, സമാധാനം എന്നെ തേടിയെത്തി. ഇനി മുതൽ, ഞാൻ എന്റെ ശബ്ദത്തെ തിരഞ്ഞെടുക്കുന്നു. ഞാൻ എന്റെ ജീവിതത്തെ തിരഞ്ഞെടുക്കുന്നു. ഇനി ആരുടെയും അനുവാദം വേണ്ട. ഇനി ഭയമില്ല. ഞാൻ എന്നിലേക്കുള്ള തിരിച്ചുവരവിന്റെ പാതയിലാണ്. ഒരിക്കൽ എന്റേതാണെന്ന് ഞാൻ മറന്നുപോയ ജീവിതത്തെ വീണ്ടും പ്രണയിക്കുകയാണ്.

വളരെക്കാലമായി പറയണമെന്ന് ആഗ്രഹിച്ചിരുന്ന ഒരു കാര്യമുണ്ട്… വളരെക്കാലം പറയാൻ അനുവദിക്കാതിരുന്ന ഒരു കാര്യം. ഞാൻ നിങ്ങളെയെല്ലാം സ്നേഹിക്കുന്നു. എന്നോടൊപ്പം നിന്നതിനും, എന്നിൽ വിശ്വസിച്ചതിനും, എന്റെ ജീവിതത്തെ ഇത്രയധികം സ്നേഹം കൊണ്ട് നിറച്ചതിനും നന്ദി. ഇതിനുമുന്‍പ് വേണ്ടതുപോലെ നന്ദി പറഞ്ഞില്ലെന്ന് തോന്നിയിട്ടുണ്ടെങ്കില്‍ ദയവായി അറിയുക, അതെല്ലാം എന്നും എന്‍റെ ഹൃദയത്തിലുണ്ടായിരുന്നു.

നിങ്ങളുടെ ഓരോ സന്ദേശവും പ്രാർത്ഥനയും ദയയും ഏറ്റവും ആവശ്യമുണ്ടായിരുന്ന സമയത്ത് എന്നിലേക്കെത്തിയിരുന്നു. എന്നെ വീണ്ടും എന്നിലേക്കുതന്നെ നയിച്ചതിന്, പ്രപഞ്ചത്തിന് നന്ദി. സൗഖ്യത്തിലേക്കുള്ള യാത്രയ്ക്കായി, സ്വാതന്ത്ര്യത്തിനായി, എന്നെത്തന്നെ തിരഞ്ഞെടുക്കുന്നതിനായി, ഒടുവിൽ പൂർണമായും യാതൊരു മടിയുമില്ലാതെ എന്റേതായ ഒരു ജീവിതത്തിനായി,' അനുപമ കുറിച്ചു. 

മൃണാള്‍ താക്കൂര്‍, പേര്‍ളി മാണി, രജിഷ വിജയന്‍, രുക്മിണി വസന്ത് തുടങ്ങി നിരവധി പേരാണ് അനുപമക്ക് പിന്തുണയുമായി കമന്‍റിലെത്തിയത്. നീണ്ട ഇടവേളക്ക് ശേഷമാണ് അനുപമ സമൂഹമാധ്യമങ്ങളില്‍ പോസ്റ്റ് പങ്കുവക്കുന്നത്. പോസ്റ്റ് കണ്ട് ഒരു ബ്രേക്ക് അപ്പിന് ശേഷമുള്ള പോസ്റ്റാണോ ഇതെന്നാണ് സോഷ്യല്‍ മീഡിയ ചോദിക്കുന്നത്.