തദ്ദേശ ഉപതെരഞ്ഞെടുപ്പ് ഫലം സര്ക്കാരിന് ജനങ്ങൾ നൽകുന്ന മുന്നറിയിപ്പാണോ?12 ജില്ലകളിൽ 38 തദ്ദേശ വാർഡുകളിൽ നടന്ന ഉപതെരഞ്ഞെടുപ്പ് മാറുന്ന രാഷ്ട്രീയ കാലാവസ്ഥയുടെ സൂചനയാണോ?പത്തൊമ്പത് ഇടത്ത് വിജയിച്ച് യുഡിഎഫ് കണക്കിൽ മുന്നിലെത്തിയെങ്കിലും രാഷ്ട്രീയമായി ക്ഷീണമാണ്. കഴിഞ്ഞ തവണത്തേതിൽ നിന്ന് 3 സീറ്റുകൾ കുറഞ്ഞു. രണ്ട് എംഎൽഎമാർ ഒഴിഞ്ഞ സീറ്റുകൾ നഷ്ടപ്പെട്ടു. എൽഡിഎഫിനാണെങ്കിൽ കഴിഞ്ഞതെരഞ്ഞെടുപ്പിനേക്കാൾ 3 സീറ്റ് കൂടി. യുഡിഎഫിൻറെ 7 സീറ്റ് എൽഡിഎഫും എൽഡിഎഫിൻറെ 4 സീറ്റ് യുഡിഎഫും പിടിച്ചെടുത്തിട്ടുണ്ട്. ചിറ്റൂർ എംഎൽഎ ഒഴിഞ്ഞ സീറ്റ് യുഡിഎഫിന് നഷ്ടപ്പെട്ടത് നറുക്കെടുപ്പിലൂടെയാണ്. ഓരോയിടത്തും ഓരോരോ കാരണങ്ങൾ പറയാമെങ്കിലും എൽഡിഎഫിന് രാഷ്ട്രീയമായി ആശ്വാസമാണ് ഈ ജനവിധി. തിരിച്ചുവരുമെന്ന സന്ദേശം നൽകി അണികൾക്ക് ആത്മവിശ്വാസം നൽകാൻ എൽഡിഎഫിന് ആകുമോ? തിരുത്തൽ ഫലം കാണുന്നുവെന്ന് നേതൃത്വത്തിന് വ്യാഖ്യാനിക്കാമോ? ആദ്യ നാല് മാസം ജനങ്ങളുടെ പ്രതീക്ഷക്കൊത്ത് ഉയരാൻ കഴിഞ്ഞില്ലെന്ന വിമർശനം യുഡിഎഫ് കേൾക്കേണ്ടി വരുമോ?പവര്ക്കട്ടാണോ യുഡിഎഫിന്റെ പവര് കുറച്ച പ്രധാന കാരണം ? ചിറയിന്കീഴ് എംഎല്എയുടെ വീടുകയറിത്തല്ലിനുള്ള ആദ്യ മറുപടിയോ ഇന്നത്തെ ഫലം ? ഇനി ബിജെപിയുടെ കാലമെന്ന് അവകാശപ്പെട്ടവർക്ക് നിരാശയോ? നോക്കാം