ചായക്കടയില്‍ വെച്ച് പരിചയപ്പെട്ട പ്ലസ് വണ്‍ വിദ്യാര്‍ഥിയെ പീഡിപ്പിക്കാന്‍ ശ്രമം; നാടക നടന്‍ പിടിയില്‍

കണ്ണൂര്‍ പയ്യന്നൂരില്‍ പതിനാറുകാരനെ പീഡിപ്പിക്കാന്‍ ശ്രമിച്ച കേസില്‍ നാടക നടന്‍ അറസ്റ്റില്‍. രാമന്തളി സ്വദേശിയായ ഓട്ടോ ഡ്രൈവര്‍ എ.കെ ഉണ്ണിക്കൃഷ്ണനെയാണ് പൊലീസ് അറസ്റ്റ് ചെയ്തത്. കഴിഞ്ഞ 15നാണ് കേസിന് ആസ്പദമായ സംഭവം. 

ഹോട്ടലില്‍ ചായ കുടിക്കുന്നതിനിടെ പരിചയപ്പെട്ട പ്ലസ് വണ്‍ വിദ്യാര്‍ഥിയോട് സൗഹൃദം നടിച്ച് വീട്ടില്‍ കൊണ്ടുവിടാമെന്ന് പറഞ്ഞ് ഓട്ടോയില്‍ കൊണ്ടുപോയി പീഡിപ്പിക്കാന്‍ ശ്രമിച്ചെന്നാണ് പരാതി. പ്രതിയുടെ വീട്ടില്‍ കൊണ്ടുപോയ കുട്ടിയെ പീഡിപ്പിക്കാന്‍ ശ്രമിച്ചപ്പോള്‍ കുട്ടി ഭയന്ന് പുറത്തേക്കോടുകയും വീട്ടുകാരോട് പറയുകയും ചെയ്തെന്നാണ് മൊഴി. പ്രതിക്കെതിരെ ഒരു വര്‍ഷം മുമ്പും പോക്സോ കേസുണ്ടായിരുന്നുവെന്നും ജാമ്യത്തിലാണെന്നും പൊലീസ് പറഞ്ഞു.