ബിറ്റ് ഹംബ് എക്സ്ചേഞ്ചിന് അബദ്ധം: ഉപഭോക്താക്കൾക്ക് നൽകിയത് മൂന്നര ലക്ഷം കോടിയുടെ ബിറ്റ്കോയിൻ

ഉപഭോക്താക്കള്‍ക്ക് അബദ്ധത്തില്‍ ബിറ്റ്കോയിനുകള്‍ സമ്മാനമായി നല്‍കി ദക്ഷിണ കൊറിയന്‍ ക്രിപ്റ്റോ കറന്‍സി എക്സ്ചേഞ്ചായ ബിറ്റ്ഹംബ്. ഏകദേശം മൂന്നരലക്ഷം കോടി രൂപ മൂല്യമുള്ള ആറ് ലക്ഷത്തി ഇരുപതിനായിരം  ബിറ്റ്കോയിനുകളാണ് വിതരണം ചെയ്തത്. പ്രചാരണ പരിപാടിയുടെ ഭാഗമായി ഒാരോ ഉപഭോക്താവിനും 2000 കൊറിയന്‍ വോണ്‍  പാരിതോഷികം നല്‍കാനായിരുന്നു തീരുമാനം. എന്നാല്‍ നല്‍കിയത് രണ്ടായിരം വീതം ബിറ്റ്കോയിനുകളാണ്. ബിറ്റ്േകായിന്‍ ഉപഭോക്താക്കള്‍ക്ക് ലഭിച്ചതോടെ എക്സ്ചേഞ്ചില്‍ കനത്ത വിറ്റൊഴിക്കലുണ്ടായി. തുടര്‍ന്ന് 695 ഉപയോക്താക്കളുടെ ട്രേഡിങ്ങും പണം പിൻവലിക്കലും മരവിപ്പിച്ചു. വിതരണം ചെയ്ത ബിറ്റ്കോയിനുകളില്‍ ഭൂരിഭാഗവും വീണ്ടെടുത്തതായി കമ്പനി അറിയിച്ചു