മാരുതി സുസുക്കിയുടെ ഏറ്റവും പുതിയ സബ് കോംപാക്ട് എസ് യു വി ആണ് ഫ്രോങ്സ്. കുഞ്ഞൻ എസ്‍യുവികളെ ഇഷ്ടപ്പെടുന്നവർക്ക്‌ വേണ്ടി മാരുതി വിപണിയിൽ ഇറക്കിയ ഏറ്റവും പുതിയ വാഹനമാണിത്. പെട്രോൾ എൻജിനിൽ മാത്രമാണ് ഈ വാഹനം ലഭ്യമാവുക. രണ്ട് എൻജിൻ വേരിയന്റിൽ മൂന്ന് വ്യത്യസ്ത ട്രാൻസ്മിഷനിൽ എത്തുന്ന ഒരു വാഹനം. 1.2 ലിറ്റർ ഡ്യൂയൽ വി വി ടി ഐ എൻജിനിലും 1ലിറ്റർ ടർബോ ജെറ്റ്എൻജിനിലുമാണ് എത്തുന്നത്. ആധുനിക സാങ്കേതിക വിദ്യയയും, സുരക്ഷ ആഡംബര സംവിധാനങ്ങളും ചേർത്തിറക്കിയ വാഹനമാണിത്. 1 ലിറ്റർ ടർബൊജെറ്റ് എൻജിൻ 6 സ്പീഡ് ഓട്ടോമാറ്റിക് ഗിയറിലും, 1.2 ലിറ്റർ എൻജിൻ 5 സ്പീഡ് എ ജി എസ് ഗിയറിലും, മാന്വൽ ഗിയറിലും ലഭ്യമാകും.
Maruti Suzuki Fronx