കൗമാരക്കാരുടെ ലൈവ് സ്ട്രീമിങ് വേണ്ട; മാറ്റങ്ങളുമായി മെറ്റ ടീന്‍ അക്കൗണ്ട്

ഓൺലൈൻ പ്ലാറ്റ്ഫോമുകളിൽ കൗമാരക്കാരുടെ സുരക്ഷ ഉറപ്പാക്കാൻ മെറ്റ. ഫേസ്ബുക്ക്, മെസഞ്ചർ ആപ്പുകളിൽ ഇപ്പോൾ ടീൻ അക്കൗണ്ട് ഫീച്ചർ ലഭ്യമാകും. ഇൻസ്റ്റാഗ്രാമിൽ നേരത്തെ തന്നെ ഈ സുരക്ഷാ സംവിധാനം ആരംഭിച്ചിരുന്നു.  

സവിശേഷതകൾ 

• 16 വയസ്സിന് താഴെയുള്ള ഉപയോക്താക്കളുടെ അക്കൗണ്ടുകൾ ഡിഫോൾട്ടായി പ്രൈവറ്റ് മോഡിൽ പ്രവർത്തിക്കും  
• അപരിചിതർക്ക് ഫോളോ ചെയ്യാനോ സന്ദേശമയക്കാനോ നിയന്ത്രണം 
• ലൈവ് സ്ട്രീമിങിന് നിയന്ത്രണം ഉണ്ടാകും 
• ആക്രമണ, അശ്ലീല ഉള്ളടക്കങ്ങൾ ഫിൽട്ടർ ചെയ്യുന്ന സെൻസിറ്റീവ് കണ്ടന്റ് കൺട്രോൾ  
• ദിവസത്തിൽ 1 മണിക്കൂർ ഉപയോഗത്തിന് ശേഷം നോട്ടിഫിക്കേഷൻ  
• രാത്രി 10 മുതൽ രാവിലെ 7 വരെ സ്ലീപ്പ് മോഡ്(നോട്ടിഫിക്കേഷനുകൾ നിശബ്ദം)  
• എക്സ്പ്ലോർ, റീൽസ് വിഭാഗങ്ങളിലും ഉള്ളടക്ക നിയന്ത്രണം  
• ബോട്ടോക്സ്/പ്ലാസ്റ്റിക് സർജറി പോലുള്ള ഉള്ളടക്കങ്ങൾ ബ്ലോക്ക് ചെയ്യും  
• രക്ഷിതാക്കൾക്ക് ഫാമിലി സെന്റർ വഴി ഉപയോഗ രീതികൾ മോണിറ്റർ ചെയ്യാം

Also Read; മൊബൈൽ ഫോൺ ഹാക്ക് ആയെന്ന് സംശയമുണ്ടോ? പരിശോധിക്കാനൊരു എളുപ്പവഴിയിതാ

യുഎസിൽ 'കിഡ്സ് ഓൺലൈൻ സേഫ്റ്റി ആക്ട്' പോലുള്ള നിയമങ്ങൾക്ക് ശക്തി കൂടിയിരിക്കെയാണ് ഈ നീക്കം. ഫേസ്ബുക്ക്, ടിക്ടോക്ക്, യൂട്യൂബ് എന്നിവയ്ക്കെതിരെ ഇതിനകം 100-ലധികം കേസുകൾ നിലവിലുണ്ട്.  ഡിജിറ്റൽ യുഗത്തിൽ കുട്ടികളുടെ മാനസികാരോഗ്യം-സ്വകാര്യത രക്ഷിക്കാൻ രക്ഷിതാക്കൾക്ക് കൂടുതൽ നിയന്ത്രണം നൽകുകയാണ് ഈ സംവിധാനം. 

"ടീൻ അക്കൗണ്ടുകൾ ഓട്ടോമാറ്റിക്കായി പ്രവർത്തിക്കും. പുതിയ അക്കൗണ്ടുകൾ മാത്രമല്ല, ഇതിനകം ഉള്ളവയും ഈ സുരക്ഷാ വലയത്തിൽ വരും" - മെറ്റ പ്രതിനിധി  

ആപ്പ് ഉപയോഗ സമയം നിയന്ത്രിക്കുന്നത് സ്മാർട്ട്ഫോൺ ആഡിക്ഷൻ കുറയ്ക്കാൻ സഹായിക്കും. എന്നാൽ ഫിൽട്ടറിംഗ് സിസ്റ്റം എത്രമാത്രം ഫലപ്രദമാകും എന്ന സംശയമാണ് വിദ്ഗധര്‍ പ്രകടിപ്പിക്കുന്നത്.