ഇൻസ്റ്റാഗ്രാമിൽ 100മില്യണ്‍ തൂക്കി മോദി; ലോകനേതാക്കളിൽ ഒന്നാമൻ

ഇൻസ്റ്റാഗ്രാമിൽ പത്ത് കോടി ഫോളോവേഴ്‌സ് എന്ന നേട്ടവുമായി പ്രധാനമന്ത്രി നരേന്ദ്ര മോദി. ലോക നേതാക്കളെയെല്ലാം ബഹുദൂരം പിന്നിലാക്കിയാണ് ഇൻസ്റ്റാഗ്രാമിൽ ഏറ്റവും കൂടുതൽ ആളുകൾ പിന്തുടരുന്ന നേതാവെന്ന നേട്ടത്തിലെത്തിയത്. പത്ത് കോടി ഫോളോവേഴ്‌സിനെ നേടുന്ന രാഷ്ട്രീയക്കാരില്‍ ഒന്നാമനാണ് ഇന്ത്യൻ പ്രധാനമന്ത്രി.

2014 ലാണ് പ്രധാനമന്ത്രി നരേന്ദ്ര മോദി ഇൻസ്റ്റാഗ്രാം അക്കൗണ്ട് തുറന്നത്. ഫോളോവേഴ്‌സിൻ്റെ എണ്ണത്തിൽ ആദ്യ അഞ്ച് സ്ഥാനത്തുള്ളവരുടെ ആകെ ഫോളോവേഴ്‌സിലും മുകളിലാണ് പ്രധാനമന്ത്രി നരേന്ദ്ര മോദിയുടെ സ്ഥാനം. 4.32 കോടി ഫോളോവേഴ്‌സുമായി ട്രംപ് രണ്ടാമതും 1.5 കോടി ഫോളോവേഴ്‌സുമായി ഇന്തോനേഷ്യൻ പ്രസിഡൻ്റ് പ്രബാവോ സുബ്യന്തോ മൂന്നാമതുമാണ്.