croatia-vs-ghana

ലോകകപ്പിലെ ആവേശകരമായ ഗ്രൂപ്പ് ഘട്ട മത്സരത്തിൽ ഘാനയെ ഒന്നിനെതിരെ രണ്ട് ഗോളുകൾക്ക് പരാജയപ്പെടുത്തി ക്രൊയേഷ്യ നോക്കൗട്ടില്‍. ഫിലാഡൽഫിയ സ്റ്റേഡിയത്തിൽ നടന്ന മത്സരത്തിൽ കടുത്ത പോരാട്ടത്തിനൊടുവിലാണ് ക്രൊയേഷ്യ വിജയം പിടിച്ചെടുത്തത്. സൂപ്പർ താരം നിക്കോള വ്ലാസിച്ച് 83-ാം മിനിറ്റിൽ നേടിയ ഹെഡ്ഡർ ഗോളാണ് ക്രൊയേഷ്യയ്ക്ക് തകർപ്പൻ ജയം സമ്മാനിച്ചത്. ജയത്തോടെ ഗ്രൂപ്പ് L-ൽ മൂന്ന് മത്സരങ്ങളിൽ നിന്ന് 6 പോയിന്റുമായി ക്രൊയേഷ്യ രണ്ടാം സ്ഥാനക്കാരായി പ്രീ-ക്വാർട്ടറിലേക്ക് യോഗ്യത നേടി. ഇതേ ഗ്രൂപ്പിൽ പാനമയെ തകർത്ത ഇംഗ്ലണ്ടാണ് (7 പോയിന്റ്) ഒന്നാം സ്ഥാനത്ത്. മത്സരത്തിൽ പരാജയപ്പെട്ടെങ്കിലും 4 പോയിന്റുള്ള ഘാന, മികച്ച മൂന്നാം സ്ഥാനക്കാരുടെ (Best third-placed teams) പട്ടികയിൽ ഇടംപിടിച്ച് നോക്കൗട്ട് ഘട്ടത്തിലേക്ക് യോഗ്യത നേടിയിട്ടുണ്ട്.

മത്സരത്തിന്റെ തുടക്കം മുതൽ ലൂക്കാ മോഡ്രിച്ച് നയിച്ച ക്രൊയേഷ്യൻ മധ്യനിര കളം നിറഞ്ഞു കളിച്ചു. 31-ാം മിനിറ്റിൽ യുവതാരം പെറ്റാർ സുചിചിലൂടെ ക്രൊയേഷ്യ മത്സരത്തിൽ ലീഡ് എടുത്തു. ബോക്സിന്റെ പുറത്ത് മധ്യഭാഗത്തുനിന്ന് സുചിച്ച് തൊടുത്ത ലോങ് റേഞ്ചർ ഘാന കീപ്പറെ മറികടന്ന് വല തുളച്ചുകയറി. ലോകകപ്പ് ചരിത്രത്തിൽ ക്രൊയേഷ്യയ്ക്കായി ഗോൾ നേടുന്ന ഏറ്റവും പ്രായം കുറഞ്ഞ രണ്ടാമത്തെ താരമെന്ന റെക്കോർഡും ഇതോടെ സുചിച്ച് സ്വന്തമാക്കി.

ആദ്യ പകുതിയിൽ ക്രൊയേഷ്യ പൂർണ്ണ ആധിപത്യം പുലർത്തിയെങ്കിലും രണ്ടാം പകുതിയിൽ  ഘാന ശക്തമായി തിരിച്ചുവന്നു. 73ാം മിനിറ്റില്‍ കോർണർ കിക്കിൽ നിന്നും ലഭിച്ച പന്ത് ഘാനയുടെ ഡെറിക് ലുക്കാസൻ വലയിലെത്തിച്ചു. നീണ്ട 4 മിനിറ്റിലധികം നീണ്ട VAR പരിശോധനയ്ക്കൊടുവിൽ ഓഫ്സൈഡ് ഇല്ലെന്ന് വിധിച്ച് റഫറി ഗോൾ അനുവദിച്ചു (1-1). 83ാം മിനിറ്റിലായിരുന്നു ക്രൊയേഷ്യയുടെ വിജയഗോൾ! വലതുവശത്ത് നിന്നുവന്ന മനോഹരമായ കോർണർ കിക്ക് കൃത്യമായ ഹെഡ്ഡറിലൂടെ നിക്കോള വ്ലാസിച്ച് വലയ്ക്കുള്ളിലാക്കി (2-1).

തുടർച്ചയായ മൂന്നാം ലോകകപ്പിലാണ് ക്രൊയേഷ്യ നോക്കൗട്ട് റൗണ്ടിലേക്ക് പ്രവേശിക്കുന്നത്. ഗ്രൂപ്പ് ഘട്ടത്തിലെ കടുത്ത പോരാട്ടങ്ങൾക്കൊടുവിൽ ഗ്രൂപ്പ് L-ൽ നിന്ന് ഇംഗ്ലണ്ട്, ക്രൊയേഷ്യ, ഘാന എന്നീ മൂന്ന് ടീമുകളും റൗണ്ട് ഓഫ് 32-ലേക്ക് യോഗ്യത നേടി എന്നത് ഗ്രൂപ്പിലെ കടുത്ത പോരാട്ടം വ്യക്തമാക്കുന്നതാണ്.

ENGLISH SUMMARY:

The Croatia national football team secured a thrilling spot in the World Cup knockout stage after defeating a resilient Ghana side 2-1 in a high-stakes Group L encounter in Philadelphia. Young prodigy Petar Sučić opened the scoring for Croatia in the thirty-first minute with a spectacular twenty-five-yard long-ranger, making him the country's second-youngest goalscorer in World Cup history. Guided by veteran maestro Luka Modrić, the European giants initially dominated possession before Ghana's "Black Stars" launched a fierce second-half comeback. The African side managed to equalise in the seventy-third minute when Derrick Luckassen converted a corner, a goal officially awarded after a tense four-minute video assistant referee review for offside. However, midfielder Nikola Vlašić turned hero for Croatia in the eighty-third minute, climbing highest to plant a sensational match-winning header into the back of the net. With this vital victory, Croatia advanced as Group L runners-up alongside group leaders England, while Ghana also comfortably progressed to the Round of 32 as one of the best third-placed teams.

Related Articles