ഇന്ത്യയ്ക്കെതിരായ രണ്ടാം ഏകദിന മത്സരത്തിൽ ന്യൂസിലൻഡ് 134 റൺസിന് പുറത്തായി. ടോസ് നേടി ഇന്ത്യന്‍ ടീം ബാറ്റിങ് ഇന്ത്യൻ ബൗളർമാരുടെ മികച്ച പ്രകടനത്തിന് മുന്നിലാണ് കിവീസ് നിര 41 ഓവറിൽ തകർന്നടിഞ്ഞത്.
10 ഓവറിൽ രണ്ടു മെയ്ഡനടക്കം 30 റൺസ് മാത്രം വഴങ്ങി നാല് വിക്കറ്റ് വീഴ്ത്തിയ പേസർ ഗുർനൂർ ബ്രാറാണ് ന്യൂസിലൻഡിന്റെ ബാറ്റിങ് നിരയുടെ നട്ടെല്ലൊടിച്ചത്. 104 പന്തിൽ നിന്ന് 55 റൺസ് നേടിയ ഡാരിൽ മിച്ചൽ മാത്രമാണ് ന്യൂസിലൻഡ് നിരയിൽ പിടിച്ചുനിന്നത്.
ടോസ് നേടി ബൗളിങ് തിരഞ്ഞെടുത്ത് ഇന്ത്യ ക്യാപ്റ്റന്റെ തീരുമാനം ശരിവെക്കുന്ന പ്രകടനമാണ് ആദ്യ ഓവറുകൾ മുതൽ കണ്ടത്. ന്യൂസിലൻഡ് ബാറ്റിങ് നിരയെ കൃത്യമായ സമയങ്ങളില്‍ സമ്മർദ്ദത്തിലാക്കാൻ ഇന്ത്യൻ ബൗളർമാർക്ക് സാധിച്ചു.
ഗുർനൂർ ബ്രാറിന് പുറമേ അക്സർ പട്ടേൽ 9 ഓവറിൽ ഒരു മെയ്ഡനടക്കം 28 റൺസിന് 2 വിക്കറ്റും, അൻഷുൽ കംബോജ് 8 ഓവറിൽ 25 റൺസിന് 2 വിക്കറ്റും വീഴ്ത്തി. 7 ഓവറിൽ 31 റൺസ് വഴങ്ങി ആഖിബ് നബിയും 2 വിക്കറ്റ് നേടി തിളങ്ങി.