TAGS

  • 33 പന്തിൽ 67 റൺസ് അടിച്ചുകൂട്ടിയ സഞ്ജു സാംസണും 12 പന്തിൽ 29 റൺസ് നേടിയ അഭിഷേക് ശർമയും ചേർന്ന് പവർ പ്ലേയിൽ 94 റൺസിന്റെ റെക്കോർഡ് തുടക്കമാണ് നൽകിയത്.

സഞ്ജു തുടങ്ങിയ വെടിക്കെട്ട് പൂർത്തിയാക്കിയത് നമൻ ധീർ. അവസാന ഓവർ വരെ ആവേശം എത്തിച്ച ആദ്യ ട്വന്റി 20യിൽ നാലു വിക്കറ്റിനാണ് ഇന്ത്യ ന്യൂസിലൻഡിനെ തോൽപ്പിച്ചത്. ന്യൂസീലൻഡ് നാലു വിക്കറ്റ് നഷ്ടത്തിൽ 225 റൺസെടുത്തപ്പോൾ ഇന്ത്യ 19.4 ഓവറിൽ ആറു വിക്കറ്റ് നഷ്ടത്തിൽ 230 റൺസെടുത്ത് വിജയം സ്വന്തമാക്കി. ഇന്ത്യയുടെ ട്വൻറി 20 ചരിത്രത്തിലെ ഏറ്റവും വലിയ വിജയകരമായ ചെയ്സാണിത്.

Also Read: ആളിക്കത്തി സഞ്ജു, അടിതെറ്റി കിവീസ്; ആദ്യ ട്വന്‍റി ട്വന്‍റിയില്‍ ഇന്ത്യയ്ക്ക് മിന്നും ജയം

നേരത്തെ ഓസ്ട്രേലിയയ്ക്ക് എതിരെ വിശാഖപട്ടണത്തും ന്യൂസീലൻഡിനെതിരെ റായ്പുരിലും 209 റൺസ് പിന്തുടർന്ന ജയിച്ചതായിരുന്നു ഇതുവരെയുള്ള വലിയ വിജയം. 

209/8 vs ഓസ്ട്രേലിയ, വിശാഖപട്ടണം, 2023

209/3 vs ന്യൂസീലൻഡ്, റായ്പൂർ, 2026

208/4 vs വെസ്റ്റ് ഇൻഡീസ്, ഹൈദരാബാദ്, 2019

211/4 vs ശ്രീലങ്ക, മൊഹാലി, 2009 (ലക്ഷ്യം: 207) ഇവയാണ് ഇന്ത്യയുടെ അഞ്ച് വലിയ ചെയ്സിങ് വിജയങ്ങൾ.

ന്യൂസീലൻഡിനെതിരെ ട്വന്റി 20യിൽ ഒരു ടീം നേടുന്ന ഏറ്റവും വലിയ രണ്ടാമത്തെ ചെയ്സിങ് വിജയം കൂടിയാണിത്. 244 റൺസ് പിന്തുടർന്ന് ജയിച്ച ഓസീസാണ് കിവീസിനെതിരെ ഏറ്റവും വലിയ വിജയം നേടിയ ടീം. ന്യൂസീലൻഡിലെ ക്രൈസ്റ്റ്ചർച്ചിലുള്ള ഹാഗ്ലി ഓവൽ ​ഗ്രൗണ്ടിൽ ഒരു ടീം ഇത്രയും വലിയ റൺസ് പിന്തുടർന്ന് ജയിക്കുന്നതും ആദ്യമായാണ്. 2019-20 സൂപ്പർ സ്മാഷിൽ നോർത്തേൺ ഡിസ്ട്രിക്ട്സിനെതിരെ കാന്റർബറി ടീം 223 റൺസ് പിന്തുടർന്ന് ജയിച്ചതാണ് ഇന്ത്യ മറികടന്നത്. 

വിദേശത്ത് പവർപ്ലേയിൽ ഇന്ത്യ നേടുന്ന ഏറ്റവും ഉയർന്ന സ്കോറും ഇന്ത്യ ഇന്നു നേടി. ആദ്യ ആറോവറിൽ 94 റൺസാണ് ഇന്ത്യ നേടിയത്. അഫ്​ഗാനിസ്ഥാനെതിരെ ഇക്കഴിഞ്ഞ പരമ്പരയിൽ ഇന്ത്യ പവർ പ്ലേയിൽ 100 റൺസ് നേടിയിട്ടുണ്ടെങ്കിലും മത്സരം ഡൽഹിയിലായിരുന്നു. ഇം​ഗ്ലണ്ടിനെതിരെ 2026 ൽ മുംബൈയിൽ നേടി 95 റൺസാണ് രണ്ടാമത്. ന്യൂസിലൻഡിനെതിരെ 2026 ൽ ​ഗുവാഹത്തിയിലും ഇന്ത്യ 94 റൺസ് നേടിയിട്ടുണ്ട്. 

100/0 vs അഫ്ഗാനിസ്ഥാൻ, ഡൽഹി, 2026

95/1 vs ഇംഗ്ലണ്ട്, മുംബൈ, 2025

94/2 vs ന്യൂസീലൻഡ്, ഗുവാഹത്തി, 2026

94/1 vs ന്യൂസീലൻഡ്, ക്രൈസ്റ്റ്ചർച്ച്, 2026

92/0 vs ന്യൂസീലൻഡ്, അഹമ്മദാബാദ്, ട്വന്റി 20 ലോകകപ്പ് ഫൈനൽ, 2026

സഞ്ജുവിന്റെ 33 പന്തിൽ 67 റൺസും അഭിഷേകിന്റെ 12 പന്തിൽ 29 റൺസുമാണ് പവർ പ്ലേയിൽ ഇന്ത്യയ്ക്ക് മികച്ച വേ​ഗം നൽകിയത്. പിന്നീട് വിക്കറ്റുകൾ വീണെങ്കിലും ശ്രേയസ് അയ്യർ നേടിയ 42 റൺസ് ഇന്ത്യയ്ക്ക് മിഡ് ഓവറിൽ വേ​ഗം നൽകി. 15 പന്തിൽ 42 റൺസ് നേടി പുറത്താകാതെ നിന്ന നമൻ ധീറാണ് ഇന്ത്യയ്ക്ക് വിജയം ഒരുക്കിയത്. 

ENGLISH SUMMARY:

India recorded their highest-successful run chase in T20 International history by defeating New Zealand by four wickets in the thrilling first T20 match in Christchurch. Chasing a formidable target of 226, India reached 230 for six in 19.4 overs, driven by Sanju Samson's explosive 67 off 33 balls and Shreyas Iyer's crucial 42. India also created history by posting their highest powerplay score on foreign soil, accumulating 94 runs in the first six overs. Naman Dhir provided the clinical final flourish with an unbeaten 42 off just 15 balls to seal the sensational victory in the final over.