ഹാട്രിക് വിജയത്തിന് ശേഷം മധ്യപ്രദേശിലെയും ഛത്തീസ്ഗഡിലെയും ഭരണപക്ഷത്തോട് അവിടങ്ങളിലെ ജനങ്ങള് എന്ത് പറഞ്ഞിരിക്കും? അധികാരത്തുടര്ച്ച പതിവാക്കിയ രാജസ്ഥാന് ആ സ്വഭാവം നിലനിര്ത്തുമോ? കെസിആറിന്റെ ആത്മവിശ്വാസത്തെ ശരിവയ്ക്കുമോ തള്ളുമോ ജനം? അഞ്ച് സംസ്ഥാനങ്ങളിലെ തീര്പ്പ് വോട്ടര്മാര് പൂര്ത്തിയാക്കിക്കഴിഞ്ഞു. അത് അറിയുംമുമ്പുള്ള ചില സൂചനകള്ക്കുള്ള നേരമാണ് ഇത്. വളരെ പ്രധാനമാണ് ആ സൂചനകള്പോലും.
ഒരു മഹാജനവിധി മാസങ്ങള്ക്കപ്പുറം നരേന്ദ്രമോദി–രാഹുല് ഗാന്ധി ക്യാംപുകള് നേരിടാനിരിക്കെ സുപ്രധാനം. ഈ സമയം ആ സൂചനകള് അറിയാനുള്ളതാണ്. മധ്യപ്രദേശും രാജസ്ഥാനും ഛത്തീസ്ഗഡും തെലങ്കാനയും മിസോറവും എങ്ങനെ ചിന്തിച്ചു എന്ന എക്സിറ്റ് പോള് ഫലങ്ങളിലേക്ക്, അത് നല്കുന്ന പ്രാഥമിക വിലയിരുത്തലിലേക്ക്.