വൈവിധ്യം കൊണ്ട് ശ്രദ്ധേയമാകുന്ന പല വിവാഹ ക്ഷണക്കത്തുകളുമുണ്ട്. അത്തരത്തിൽ ശ്രദ്ധേയമായിരിക്കുകയാണ് യുകെയിലെ ഈ ക്ഷണക്കത്ത്. വിവാഹത്തിൽ പങ്കെടുക്കുന്നവർ പാലിക്കേണ്ട നിബന്ധനകൾ സഹിതമാണ് വധുവിന്റെ വീട്ടുകാർ ക്ഷണക്കത്ത് തയാറാക്കിയിരിക്കുന്നത്.
പക്ഷേ ഈ പട്ടിക കാണുമ്പോൾ ആർക്കും അത്ര രസിക്കില്ല. കാരണം ഇതിലെ നിബന്ധനകൾ അത്രയ്ക്കും വിചിത്രമാണ്. വിവാഹത്തിന് എത്തുമ്പോൾ വധുവിനോട് സംസാരിക്കരുത് എന്നും എത്ര തുകയാണ് സമ്മാനമായി തരേണ്ടത് എന്നതും അടക്കം നിബന്ധനയിലുണ്ട്.
നിബന്ധനകളുടെ നീണ്ട പട്ടിക ഇതാണ്
- വിവാഹത്തിന് 15-30 മിനിട്ടുകൾക്ക് മുമ്പ് എത്തുക
- വെള്ള,ക്രിം, ഐവറി നിറങ്ങൾ ധരിക്കരുത്
- മുടി പോണിടെയിൽ ആയി കെട്ടുക
- വലിയ മേക്കപ്പ് ഒന്നും അണിയരുത്
- വിവാഹം റെക്കോർഡ് ചെയ്യാൻ പാടില്ല
- നിർദേശിക്കുന്നത് വരെ ഫെയ്സ്ബുക്ക് ഉപയോഗിക്കരുത്
- ചിത്രങ്ങൾ പോസ്റ്റ് ചെയ്യുമ്പോൾ ഹാഷ്‍ടാഗ് ഉപയോഗിക്കുക
- വധുവുമായി സംസാരിക്കാനേ പാടില്ല
- അവസാനമായി, വരുന്നവർ 75 ഡോളറിൽ (അയ്യായിരത്തിൽപരം) കുറയാത്ത സമ്മാനവുമായി മാത്രമേ വരാൻ പാടുള്ളൂ.
ഈ ക്ഷണക്കത്ത് ലഭിച്ച ഒരു സ്ത്രീയാണ് ഇത് സാമൂഹികമാധ്യമങ്ങളിൽ പങ്കുവച്ചത്. എന്തായാലും ഇത്തരത്തിലുള്ള വിചിത്രമായ നിബന്ധനകള്‍ കണ്ടിട്ടില്ലെന്നു പറഞ്ഞാണ് പലരും പോസ്റ്റ് പങ്കുവെക്കുന്നത്. തങ്ങള്‍ക്കിഷ്ടടമുള്ള വസ്ത്രം ധരിച്ച് മേക്കപ്പ് അണിഞ്ഞ് ചടങ്ങിന്റെ മുഴുവന്‍ദൃശ്യങ്ങളും പകര്‍ത്തുമെന്നും ചോദിക്കാന്‍ വരുന്നത് ആരാണെന്നു കാണണമെന്നും ചിലര്‍ പ്രതികരിച്ചിട്ടുണ്ട്.