ലഹരി തലയ്ക്കു പിടിച്ചാൽ പിന്നെ എന്ത് പൊലീസ്. കുടിച്ച് ലക്കുകെട്ട് യുവാവ് ട്രാഫിക്ക് പോലീസുകാരെ ക്രൂരമായി മർദ്ദിക്കുന്ന യുവാവിന്റെ വിഡിയോ സോഷ്യൽ മീഡിയയിൽ വൈറലായിരിക്കുകയാണ്. കർണാടകയിലെ ദേവനഗരിയിലാണ് സംഭവം. ട്രാഫിക് പരിശോധനയ്ക്ക് നിൽക്കുന്ന ഉദ്യോഗസ്ഥരെയാണ് ഇയാൾ ക്രൂരമായി മർദ്ദിക്കുന്നത്.
യാതൊരു പ്രകോപനവുമില്ലാതെയാണ് പൊലീസുകാർക്ക് നേരെ ഇയാൾ ചാടിവീഴുന്നത്. അത് വിഡിയോയിൽ വ്യക്തമായി കാണാൻ സാധിക്കും.മർദ്ദനത്തിൽ ഒരു പൊലീസുകാരന്റെ തല പൊട്ടി ചോരയൊലിക്കുന്നുണ്ട്. മറ്റൊരാളെ ഇടിച്ചിടുന്നുണ്ട്. ആ പൊലീസുകാരൻ സാരമായി പരുക്കേറ്റ് നിലത്തു വീഴുന്നു. സംഭവത്തിൽ പൊലീസ് കേസ് എടുത്തിട്ടുണ്ട്. വിഡിയോ കാണാം: