‘യാനം’ ഐഎഫ്എഫ്ഐയുടെ ഇന്ത്യന്‍ പനോരമയിലേക്ക്

മംഗള്‍യാന്‍ ദൗത്യം പ്രമേയമാക്കിയ സംസ്കൃത സിനിമ ‘യാനം’ ഐ.എഫ്.എഫ്.ഐയുടെ ഇന്ത്യന്‍ പനോരമയിലേക്കു തിരഞ്ഞെടുത്തു. എ.വി.എ പ്രൊഡക്ഷന്‍സിന്റെ പേരില്‍ എ.വി. അനൂപ് നിര്‍മിച്ച സിനിമയുടെ സംവിധായകന്‍ വിനോദ് മങ്കരയാണ്. ഐ.എസ്.ആര്‍.ഒ. മുൻചെയർമാന്‍ കെ.രാധാകൃഷ്ണന്‍റെ മൈ ഒഡീസി, മെമോയേഴ്സ് ഓഫ് ദ് മാൻ ബിഹൈൻഡ് ദ മംഗൾയാൻ മിഷനെന്ന ആത്മകഥയെ അടിസ്ഥാനമാക്കിയാണു യാനം നിര്‍മിച്ചിരിക്കുന്നത്. സംസ്കൃത ഭാഷയിലുള്ള ആദ്യ ശാസ്ത്ര ഡോക്യുമെന്ററി സിനിമ കൂടിയാണ് യാനം.