ദിവസങ്ങള്‍ക്ക് മുന്‍പേ തുടങ്ങിയ കള്ളവോട്ട് ആരോപണം വോട്ടെടുപ്പ് ദിവസവും സജീവം. അടൂരും ആറ്റിങ്ങലിലും പരിയാരത്തുമാണ് ഇതുവരെ കള്ളവോട്ട് പരാതി ഉയര്‍ന്നത്. അടൂര്‍ തെങ്ങം 134–ാം നമ്പര്‍ ബൂത്തില്‍ എസ്.ബിന്ദു എന്ന വോട്ടറുടെ വോട്ട് മറ്റാരോ ചെയ്തെന്ന് പരാതി. വ്യാജ ഐഡി ഉണ്ടാക്കിയെന്ന് തെളിഞ്ഞതായി മണ്ഡലത്തിലെ യുഡിഎഫ് സ്ഥാനാര്‍ഥി ആന്റോ ആന്റണി പറഞ്ഞു. ആറ്റിങ്ങലില്‍ പോത്തന്‍കോട് 43–ാം നമ്പര്‍ ബൂത്തിലാണ് കള്ളവോട്ട് പരാതി ഉയര്‍ന്നത്. ലളിതമ്മയെന്ന വോട്ടറുടെ വോട്ട് മറ്റാരോ ചെയ്തു . കണ്ണൂര്‍ പരിയാരം തലോറ എല്‍.പി. സ്കൂളിലെ ബൂത്തില്‍ വോട്ടുചെയ്യാനെത്തിയ ഫാത്തിമത്ത് ഫിദയ്ക്ക് വോട്ട് രേഖപ്പെടുത്താനായില്ല. അതിന് മുമ്പേ മറ്റാരോ വോട്ട് ചെയ്ത് പോയിരുന്നു
Fake vote complaint emerges in booth number 43 in Attingal's Pothencode