അപ്പീലിന് അതിജീവിതയുടെ കുടുംബം; 'വിധി സമൂഹത്തിന് മാതൃകയല്ല'

വിജയ് ബാബുവിന്‍റെ മുന്‍കൂര്‍ ജാമ്യത്തിനെതിരെ അതിജീവിതയുടെ കുടുംബം. വിധി സമൂഹത്തിന് മാതൃകയല്ല, അപ്പീല്‍ നല്‍കുമെന്നും കുടുംബം വ്യക്തമാക്കി. യുവനടിയെ ബലാത്സംഗം ചെയ്ത കേസിൽ നടൻ വിജയ് ബാബുവിന് മുൻകൂർ ജാമ്യം ലഭിച്ചു. അതിജീവിതയെ അപമാനിക്കരുത്, സംസ്ഥാനം വിട്ട് പുറത്തു പോകരുത് തുടങ്ങിയ ഉപാധികളോടെയാണ് ഹൈകോടതി ജാമ്യം അനുവദിച്ചത്. ഈ മാസം 27 മുതൽ 7 ദിവസം വിജയ് ബാബു അന്വേഷണ ഉദ്യോഗസ്ഥനുമുന്നിൽ ഹാജരാകണം. സംസ്ഥാനം വിട്ടു പോകാൻ പാടില്ല. സമൂഹമാധ്യമങ്ങളിലൂടെ അതിജീവിതയെയോ കുടുംബത്തെയോ അപമാനിക്കരുത്. അതിജീവിതയെ സ്വാധീനിക്കാൻ ശ്രമിക്കരുത് എന്നും കോടതി ഉത്തരവിലുണ്ട്. രാവിലെ തന്നെ  എറണാകുളം സൗത്ത് പൊലീസ് സ്റ്റേഷനിലെത്തിയ വിജയ് ബാബു ജാമ്യം ലഭിച്ചതിനുശേഷം വീട്ടിലേക്ക് മടങ്ങി.