badiyadukka-police

കാസര്‍കോട് ബദിയടുക്കയില്‍ മോഷണക്കേസ് ആരോപിച്ച് യുവാവിനെ പൊലീസ് മര്‍ദിച്ചെന്ന് പരാതി. ഏത്തടുക്ക സ്വദേശി അജിത് കുമാറാണ് പരാതിക്കാരന്‍. അടക്കമോഷണ കേസിലെ പ്രതിയാണെന്ന് ആരോപിച്ച് സ്റ്റേഷനില്‍ വസ്ത്രം അഴിപ്പിച്ച് മര്‍ദിച്ചെന്നാണ് യുവാവിന്റെ പരാതി. യഥാര്‍ഥപ്രതികളായ മൂന്നുപേര്‍ പിന്നീട് പിടിയിലായി. 

ജൂലൈ രണ്ടിനാണ് ബദിയടുക്കയിലെ സ്വകാര്യ വ്യക്തിയുടെ ഗോഡൗണില്‍ നിന്നും അടയ്ക്ക മോഷണം നടക്കുന്നത്. സിസിടിവി ദൃശ്യങ്ങളില്‍ അജിത് കുമാറിനോട് സാമ്യമുള്ളയാളെ കണ്ടതിനെ തുടര്‍ന്നാണ് പൊലീസ് വീട്ടിലെത്തി കസ്റ്റഡിയിലെടുക്കുന്നത്. മഫ്തിയിലെത്തിയ പൊലീസ് സംഘം വീട്ടില്‍ നിന്ന് കസ്റ്റഡിയിലെടുക്കുമ്പോഴും പൊലീസ് സ്റ്റേഷനില്‍ വച്ചും മര്‍ദിച്ചെന്നാണ് അജിത്കുമാറിന്‍റെ പരാതി. ഇയാള്‍ ആശുപത്രിയില്‍ ചികില്‍സ തേടി.

അടയ്ക്ക മോഷ്ണം സമ്മതിക്കാന്‍ പറഞ്ഞ് പൊലീസ് മര്‍ദിച്ചു. എത്ര ഉപദ്രവിച്ചാലും ഇതാണ് നിലപാടെന്ന് പറഞ്ഞതോടെ വീണ്ടും അടിച്ചു എന്നാണ് അജിത്കുമാര്‍ പറയുന്നത്. എന്നാല്‍ പരാതി ബദിയടുക്ക പൊലീസ് നിഷേധിച്ചു. സിസിടിവി ദൃശ്യങ്ങള്‍ സ്റ്റേഷനിലുണ്ടെന്നും പൊലീസ് വ്യക്തമാക്കി. 

ENGLISH SUMMARY:

Ajith Kumar, a resident of Ethadukka, has lodged a complaint alleging that Badiadka police brutally assaulted him while in custody for an alleged arecanut theft case. Despite police claiming the suspect resembled a person seen in CCTV footage, it was later revealed that the actual culprits were different individuals who were subsequently arrested. Ajith Kumar alleges that police stripped and beat him at the station to force a confession, even after he maintained his innocence. The Badiadka police have denied these allegations of custodial torture, maintaining that the CCTV footage was processed according to standard procedures.

Related Articles